اثر موقف شهده منصور المفقاعي مع الأمير فيصل بن تركي (الاول) بن عبدالعزيز رحمهما الله جميعاً حدثت هذه المساجلة





فــيــصــل بـــــــن تـــركــــي
عينت منهو جرح قلبي فلاكن ما حصلي به مداخيـل = دونـه جمـوع واهـل خيـل وســلات صقيـلـه
من عقب ما هي في عثعث بين السبيـه والشماليـل = اليوم قد هي تحب الخوخ يا منصور غزلان المسيلـه

مـــنـــصـــور الــمــفــقــاعــي
وراك ما صدتها يومك تصيد اللي تجودل بالمغازيـل = بندقك ترمي الهدف ما هي تولع يابوتركـي بالفتيلـه
لو ان عيني تشوف اللي عيونك شافته سويت ما قيل = عـلـم تــرده قبيـلـه لاقبـيـلـه لاقبـيـلـه

فــيــصــل بـــــــن تـــركــــي
اخاف من فزعتن منتب تحصل يا عميلي لك محاصيل = تطيح قدم الدبيله ما تعين لـك رفيـق تلتجـي لـه
الوقت فيه اختلاف ولا يعدون العرب فعل الرجاجيـل = لو كان ترفع بصوتك ما يجيك اللي فزع يومي شليله

مـــنـــصـــور الــمــفــقــاعــي
والله لخاطر على شانك ماحسب للمظاهير ومداخيـل = ما دبر الله على المخلوق جاه بمنزله لومـا يجيلـه
وش خانت الرفقه اللي ما لها تاريخ مع جيل بعد جيل = وشلون اشوفك طريح ورفقتي لك دايم رفقه طويلـه

خـتـمـهـا فـيـصــل بــــن تــركــي
عز الله انك وفيت ولا يفك المشكله كـود المشاكيـل = واللاش لاهوب لا يشكـى ولا احـدن يشتكـي لـه