بسم الله الرحمن الرحيم
السلام عليكم ورحمة الله وبركاته

كل عام وأنتم بخير
ومن العايدين والفائزين
انشاءالله
وتقبل الله مناومنكم صالح الأعمال

مع حلول العيد تذكرة قصيده للوالد الله يحفظه ويطول عمره انشاءالله
يصف حاله مع حلول العيد وبعد ولده (اللي هو محاكيكم) عنه
وذلك لظروف الدراسه وكان ذلك في عيد الفطر لعام 1421

[poem=font="Simplified Arabic,4,black,normal,normal" bkcolor="transparent" bkimage="backgrounds/34.gif" border="none,4,gray" type=2 line=0 align=center use=ex num="0,black"]
العيد ذا يا سعود ماكنه بعيد=رغم التجمع مير كني لحالي
من سبة اللي معيد عني بعيد=وزوله قريب ما يفارق خيالي
من غيبته جرح كما ضربت الحيد=أحسهافي القلب لمن طرالي
والجرح ذا يا سعود ماله تضاميد=إلا رجوع اللي رحل كنه جالي
راح وتركني حاير يالجاويد=مقدر أصدق ويش ذا اللي جرالي
يالله يالمعبود يا خالق البيد=تلم شمل العود ويا العيالي
وبندر ليت العيد الأخر يجي عيد=وتصير جمبي يا بعد كل غالي
ونعبر الفرحه بكثر الزغاريد=ويرتاح قلب كان ما هو بسالي
وربعي قروم كلبوهم صناديد=مير البلا في العاطفة لمن طرالي[/poem]

وفي الختام اهنئكم أخواني على نجاح الموقع
وأشكر جميع من ساهم في نجاحه من أعضاء ومشرفين
وأقول لكم وعساكم على القوه

أخوكم/ بندر بن محمد