[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
على وقفة الدنيا رحاها لزوم تدور=ولابد من يومٍ تنقَّض ظفايرها
وخل العلوم اللي توقعت خلف السور=وعاين عقارب ساعتك ثم عايرها
ترى الصبر في بعض المواقيف مثل النور=يقديك لين أنك تعدى حفايرها
بلشنا ياعبدالله مابين العمي والعور=عبادٍ بخصنا فعلها من سرايرها
وانا خابر انك من هل الموقف المشهور=ومن جرها بكره يقع في جرايرها
عطيتك من الدانات فصٍ كما البلور=يجبّر كسور ماتجبّر كسايرها
ترى دبي رزقه بعد ربي بدأ في الخور=وهالحين صارت رمز بأطول عمايرها
ونكبة فلسطين العرب من وعد بلفور=تجرع هل الضفه وغزه حسايرها
وراع الشداد ونظرته صوب راع الكور=يحسَّب لها ناس على القاع سايرها
ومن فاز بالجنه تحصَّل بنات الحور=ومن خالف المله جزاته سعايرها
عسى الله يقطع دابر أهل الكبر والجور=عليهم تدور أسوا الدواير دوايرها
رسالتك وصلت ياابن عمي وردي فور=ومن حج مكه ماتغره شعايرها [/poem]

__________________