إعتذار بشده عن طول الغياب








ومتواضعه للتواصل ..


.



.




صلوا على النبي

[poem=font="MS Dialog,6,blue,normal,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]


درب السهر .. وموادعه .. والشمعه=والدفتر و تذكاره العنابي







والنور الأصفر .. والحضور السبعه=والطاري اللي مرّني وأقفابي







وظنوني وهوجاسي المجتمعه=والبيّن مْن السالفه والغابي







ماغيرها ياصبح يوم الجمعه=ياكود ذكرى واحد ٍ من غابي







والعين لو باقي بها لو دمعه=ماللعطش قصّه مـ بين أهدابي







لغز الغياب وحيرته والرمعه=ضاقت علي منها وسيع ثيابي







ياخافقي طاري الوفا والرجعه=وهم ٍ يسلّي عاقل ٍ متغابي







لا من زعج صوته وعوّد رجعه=قال البلد ياكثر فيه أحبابي







يدري بأن لو مالذهب له لمعه=ما باع به مايجمع الحطّابي







وإن الفقر سبّة وجود النزعه=لمحاربة من عزّة الألقابي







عاقل .. ولكن الغبا له صنعه=وإلاّ الصدى .. وش قرّبه لأحبابي







دام الوجود وساكنينه شمعه=والطاري اللي مرني وأقفابي[/poem]