المشاركة الأصلية كتبت بواسطة علي بن مسفرالحبابي

[frame="7 80"]

هذه القصيدة للشاعر الواعد عايض بن هداف بن غيده القحطاني
اسندها على الشاعر مبارك ال خليفه

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
علوم الغرام اللي كبارٍ بدودها=فضول اكثر الجمهور فنّد بنودها
اببوح لمبارك عن احداث ما جرى=وهو فالقسى حلال مبهم عقودها
انا يا الخليفي يوم كبرت مواجعي=طبخت العواذل لين فاحت كبودها
وكشفت الصحيح وساقني زايد الهوى=على حلةٍ ما كل شخصٍ يرودها
على جنيف دار الانس والبسط والهنى=عسى الغيث من دهم المخايل يعودها
هواها تفوح به الرياحين لى لفا= وصفاها تزيد ابه النواظر سعودها
على شان سلمى جيت من غير مصلحه=وانا بين نارينٍ يسعّر وقودها
مابين الرجى والياس في نازح المدى= كتمت المشاعر لين باحت سدودها
الا ليت سلمى ما دعتني وجيتها= مسا جمعةٍ صمت المآسي يسودها
تعلّقت فيها جعل حيي وحيّها=مايذكر على وجه التقارب وجودها
فقيرٍ عفيفٍ ساقني زايد الولع=وهي من بيوتٍ قرب مثلي يكودها
بيوتٍ حرسها النار في الارض والسما=وذراها المشيخة والرياسة عمودها
كوتني على الضلع القصيّر بغدرها=ولاشمت منها يوم خانت عهودها
تسنّت لي الفرقى ولا صدت وقتها= وتماديت معها يوم زلّت حدودها
وهالحين شمت وعافت الحب مهجتي=وحديت الركاب وعز نفسي يذودها
على الثانية عّزك من يصيد الاوله=ياليت الليالي ما عسرني سعودها
لو انّي عرفت الدرب ما هان موقفي=ولا دجت قيعانٍ تطارد فهودها[/poem]

وهذا رد الشاعر المبدع مبارك ال خليفه

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بيوت القصيد اللي هجوسك تقودها=تجمّل بساتين القوافي ورودها
هلا مرحبا واهلا هلا بك يا بن غيده=قصيدتك جات وبجتهد في ردودها
وانا البحر هذا ما كتبته ولا اعرفه=ولكن بوازن لي بحور وبزودها
زيادة معلم ماهو بمغط مبتدي=ليا جر اذانيها وصفّق خدودها
على الهون يا عايض ترى الشوق والنوى=تكوّن علاقة ود تفرض وجودها
ولا كل مشتاق ٍ يواجه حبيبته=ولو تارد عدوده ويارد عدودها
ليا صار ما عنده على الصبر مقدره=وهي للوصل ماهيب تبذل جهودها
فله فالدروب اثنين لا احب واشتها=يعوّد هلم والا يحاصر صمودها
يالين يحصل له من ورى الصبر ما بغى=ولا همه فهود البراري واسودها
وبعد بحت لي سدك وبيّنت ما خفا=وجنيف الهنا يشعفك ذعذاع نودها
تقدم على الديره وحارب بقوّتك=ودمّر مواقعها وفرّق جنودها
وخل الهدف واضح على واضح النقا=ولا تترك العالم تقادح زنودها
لا صديت لحظه جاك مالا حسبت له=وتنكف من الغزوه قبل جني فودها
حماس وفتح تبغي تحرر بلادها=وما زالت اسرائيل تحشد وفودها
لا حس الزعيم بربكة الخوف واختلف=يجنّب فلسطين ويجنّب يهودها
واذا الرجل وقّف وقفةٍ ما صلح لها=يقال اقبض ارضك يا فتى لا تعودها
وانا اقول فيك الخير يا كاسب الثنا=وجيوشك يا بو هدّاف تقدر تقودها
تولا الديار اللي تمنيت غزوها=وشهود النشاما في المواقف عضودها
وعشقتك حاول بس تملك فوادها=واذا جاتك الفرصه فحبحب خدودها[/poem][/frame]