المشاركة الأصلية كتبت بواسطة بطي مسفر الحبابي

[poem=font="Simplified Arabic,6,black,bold,normal" bkcolor="orange" bkimage="" border="none,medium,gray" type=4 line=0 align=center use=sp num="0,black"]
اعـيـونــي لقلبي تقـص الحكايـــــه = واللي تشوف العين قلبي فطن لّــــه
وانا عن اللي شفت بكتب روايــــه = يافـــلان قــل لفلان وفـلان قلّـــــــه
شفت العرب مابين فاهم وتـايــــــه = أحدٍ يــدل الــدرب واحدٍ يضـلّـــــه
وعينت لي صاحي وعينت ذايــــه = وكل على قده مخــاويــه شــلّـــــــه
احـدٍ يشيل الحمـل واحــدٍ يدايـــــه = ولاكل رجل يرتكي لــه يشلّـــــــــه
وأحد فعوله صدق واحد دعايـــــه = وياكثر تلميع الصور في المجلّـــــه
ابوي وصاني واخذت الوصايــــه = لـعـــل راع الطيب يبقـــى لعلّـــــــه
وانا صغير أخذت منه الكـفـايـــــه = عطاني من العـلــم دقــه وجلّــــــــه
قال الفروض الواجبه فالبــدايـــــه = اكمل فروض الدين والفرض صلّه
وقال الوطن صونه ولايه ولايـــه = والسيف في طاعة هل الامر سلّـــه
ولوالدينك منك حسن الــرعـايــــه = والوصل في الارحام كن واصل لّه
وعلمني اسلوم العرب والرمايــــه = وقال التواضع ذروة العـز كـلّــــــه
وقال انتبه من ناقلين الــوشايــــــه = والمجلس اللي تجتمــع فـيـه خلّـــــه
واحفظ لسانك مــن كلام السفايــــه= حتى يصونك صون لاطاب دلّـــــه
اخير من شرب العلاج الوقـايـــــه = ومـاقــل دل وزبــدة الهــرج قـلّــــه
ومجلسك لاتبنيه بارض خفايــــــه = بيّنْه للــي لاعـنـالـه وصــل لّــــــــه
ولاتجازي مــن يعــزك جـفـايـــــه = وانكان جاك الضيف رحب وهلّــــه
وقـدم له اللــي تقـدره بالحـفـايـــــه = حتى ولـــو تمــره وفـنـجــال دلّــــه
وخل بضميرك لبن عمك عنايـــــه = عــونٍ لابن عمك علــى كل علّــــه
وانطق بحق أو لاتجـنــا جـنـايــــه = وإنكان تبغى تعرف الرجــل زلّــــه
وانشد عن اصحابه ومن كان جايه = الصاحب ألصاحبه رجلٍ وضلّــــــه
راعى الردى لعـل مالـه بـقــايــــه = وراعى الوفا لعل يـبـقـــى محلّــــــه
والناس كلٍ يمتلك لــه هــوايـــــــه = أحــدٍ تعــزه عـــز واحــدٍ تـذلّـــــــه
وعز الرجل ماهو يجي بالمنايــــه = لابــد يـتـعـب فـيـه لين يحصل لّـــــه
والفعــل للـرجــال مـثـل المرايـــه = فيها يـشــوف العــــز ولا المــذلّــــه
أما حـيـاة العــز ولا الفـنــايـــــــه = مـــوت الرجــل ولا حيــاةٍ تغلّـــــــه
ومن لا يطيع الراي مادل رايــــه =ومن عمْي قلبه شوف عينه مادلّــــــه
واللي هــداه الله هــداه الهـدايـــــه= وكل الشهــــور احسابها بالأهـلّــــــه
ولاصار ماللرجل مقصد وغايــه = ياناس بالله ويش هو عايشٍ لـّـــــــــه
لولا البدايه ماوصلـنــا النهـايــــه = ولولا الفطـانـــه مالـقـيـنـا المضلّــــه
وانا مع اهل الطيب سارت خطايه = وآحاسب الخطوة على اللي تزلـّــــــه
وانا مع اهل المجد مرفوع رايــه = حثيثـــي احبابــي علــى خيـر ملّـــــه
وقحطان ساسي والفخرلي كنايـه = يابخت رجـــلٍ عزوتـي عزوةٍ لَــــــه[/poem]