تشرفت بالدعوه لهذا المنتدى



ويشرفني قبولها


اليكم اول المشاركه


واسمحوا لها ....



[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
أنا لابغيت اجلس مع ربعي الغالين=يسريني الهاجس على جر الالحاني
تقارع بصدري قد لها فترة اسبوعين=توردني الجمه وانا أصد بالعاني
ولاردني عنها لاوحده ولا ثنتين=واذا قلت يمديني مع الوقت ما أمداني
واذا نام ابوحظٍ وراوسْه ابوحظين=تلافا علي أهموم بقعاء وتقذاني
وانا احس في راسي بحربٍ مثل حطين=تدور الدواير بين مسلم ونصراني
جيوش الحروب شكوك وسيوفها التخمين=وصدري غدى للحرب ساحه وميداني
ولانيب أهاب الخيل والسيف أبوحدين=وانا منقسم مابين يامي وقحطاني
ولو ماتحققت العداء شوفهم بالعين=سراير ضلوعي مادروا عنًها اخواني
ولاهو قصوراً في المطاليق والوافين=يشوقون عين الاجنبي قبل عماني
أحب ارتكي للحمل ولا قول يامسكين= ولانظرةٍ يشفق بها ورع وهداني
تضيق الوسيعه لاذكرت الزمان الزين=قبل لا اعرف الموضوع من خطة الجاني
وقبل لايبعًدني زماني عن السالين=ويجبرني اغني على حزن وجداني
ولكن ماني طايع الجرح والسكين=ولوطالت الاعوام عامٍ ورى الثاني
يموتون خلق الله وتبقا السنين السنين=تضيع المذاهب غير ماضاع الايماني
اببقى كذا قاسي وبأقسى على القاسين=واما الرخوم اكبها لو تحداني
ولابد من يوم نشوف الفرج ويبين= ونرمي من المحزم وبه صنع عماني[/poem]





.