السلام عليكم ورحمة الله وبركاته
يقول الشاعر مهدي ال حيدر
[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
اذا الوقفات ما رامت ثبات الشم يوم تبان=فلا يالله تعز اوقوفنا عنها و مدهاله
واذا الاقوال ما ينطق بها رجل ٍ فصيح لسان=فأنا لو طاع شوري .. (( صمته أجزلـّه من أقواله ))
واذا الافعال ما ترقا لفعل ٍ ايعزبه الاوطان = فلا احدن يحسب انه بايطول النجم بافعاله[/poem]
في الحقيقة ابهرنا الشاعر / مهدي ال حيدر
في المرحلة الثانية من شاعر المليون 24
فقد أتى بقصيدة وطنية أذهلت الجميع و طربت لها الاذان و صفقت لها القلوب قبل الكفوف
[poem=font="Simplified Arabic,5,green,bold,normal" bkcolor="transparent" bkimage="" border="none,4," type=2 line=1 align=center use=ex num="0,black"]
ياوطن حييت بالخير بعيون الصبايا = ما بعد عزتك عزة ولا بعدك رفاعه
والله ان الشعر ياتي على عذب السجايا = كلما ابحرنا لعينك و فلينا شراعه
فإن كتبنا عن عطاياك يا سيد العطايا = مزبن اللي ضامه الوقت واضنته المجاعه
وان كتبنا عن مزاياك يا كثر المزايا = يكفي ان النور منـّك ملا الدنيا شعاعه
قادك رجال ٍ ليا وقفت سوت سوايا = نسل شيخ ٍ ما تقاصر على الطولات باعه
علمونا ان الوطن دم و رجاله خلايا = و ان من يرخص دمه ما على وجهه شفاعه
ياوطن لا عز شعب ٍ تروعه المنايا = و المنايا دون حدك لنا حق ٍ و طاعه
قربوا منـّا الدهيا و حن ساس الدهايا = ما ربينا في ترابك على غير الشجاعه
و الحسود اللي حكى فيك شغله بالحكايا = هذي اطباعه ..و اذا ودك انغير اطباعه
من بلانا راح ماعاد من عزمه بقايا = قام من هجعة منامه ايدور للفراعه
ياوطنا والله انـّا على صدق النوايا =من تقوت لك ذراعه .. كسرنا له ذراعه
والبشر ماتجهل انـّا الى جينا فدايا =نقلب الدنيا على راسها في نص ساعه ..
دام حبك في دمانا .. ويلعب بالحنايا =والله ان تبقى على عز . وامجاد . و مناعه
قالوا انـّا بدو .. قلنا على روس البرايا = بدو .. نعرف نقطع الراس لا حان انقطاعه
وان بغينا شمـّخ الروس نجعلها وطايا = ماعلى هالارض مثل السعودي و ارتفاعه
ياوطن حييت بالخير بعيون الصبايا = ما بعد عزتك عزة ولا بعدك رفاعه[/poem]
الفيديو
http://uk.youtube.com/watch?v=Rjx4Ew2bdgQ
ثم قصيدة في الطير
[poem=font="Simplified Arabic,5,,bold,normal" bkcolor="transparent" bkimage="" border="none,4," type=1 line=1 align=center use=ex num="0,black"]
يا طير مخلابك على الخرب جسار = والود لك من كل صقار مايل
لكن و لوك من صواريم سنجار = ماطلت وصف اللي عيوني اتخايل
حر ٍ و اذا اعطى الريح جنحانه و طار = برق ٍ شلع نوه و زف الهمايل
لو ماكرك يا طير من فوق الاشهار = له ماكر ٍ من فوق الاشهار طايل
و ان كان مخلابك ييعشي له انفار = مخلابه يعشي شعوب و قبايل
ذاك العديم الحر لا عد الاحرار = بن زايد محمد كريم السبايل[/poem]
الفيديو
http://uk.youtube.com/watch?v=DmNm0zSYL_g
و قصيدة اخرى في التسامح و هذه ابيات منها
[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black"]
يا دين من قبل العجم دلّه العُرْب = متسامح و للزله ان جات دامح
و انا وقفت بدون معناك في كرب = و العز مني يوم ذليت طامح
متسامح. أمريكا تجي تعلن الحرب = على اقرباي وما من الخيل جامح
مستامح. اشاهد اخواني تحت ضرب = فابو غريب معريين الملامح
متسامح . اشنق راس صدام للغرب = و اضحك لبوش و كل وجه ايتسامح
يا لجنة الموضوع مانيب له طرب = ايّة تسامح والحشى في مرامح[/poem]
الفيديو
http://uk.youtube.com/watch?v=ajhafWZxpbE
الشاعر مهدي ال حيدر في نظري الشخصي هو الأجدر
الى الآن في حمل بيرق شاعر المليون
فإذا كان شاعر المليون يعتمد على الشعر فمهدي يتحدث بلغة الشعر ( الذي يخلد في ذاكرة التاريخ )
و إذا كان شاعر المليون يعتمد على الحضور فالشاعر مهدي ال حيدر له حضور قوي على شاطيء الراحة
و إذا كان شاعر المليون يهتم بشخصية الشاعر الرجولية فأعتقد أن مهدي ال حيدر من الصفوف الأمامية في ذلك
و أنا هنا قلت كلمة حق لانصاف الشعر فقط
و بالتوفيق للشاعر مهدي و لبقية أخواننا المشاركين
.