رد : حوار بين طوني وسلطان
أذكر زمان أني كنت دايم أتصل من مقهى في الملز
المهم ولقى يوم ذاك اللبناني وليه يتكرر على المحل
دايم أشوفه قبل صلاة الضهر
المهم أذن في يوم من الايام لضهر وطلعنا من المحل
المهم وجلست أسولف معه
ويش أنت؟
ومنين جاي؟
ومن ذي الاسأله
المهم تبين لي أنه جاي من لبنان ماقد طول
المهم وخذتنا السواليف
كني نشدته وش تشتغل
قال أنا شغال في شركه مدري وش سماها في الصبح
وعندي دوام في شركه ثانيه مدري وش سماها بعد في المسى
قلت له طيب موضف وش جابك كل يوم في المقهى أشوفك
قال أنه ماعنده شغله <<< يوريهم وجهه
المهم ونشده وش عندك شهاده قال بكلوريا يعني ثنويه
وذكر لي رواتبه ووالله أني نسيتها لكن الفسل منها مايقل عن 2000
فأفكر سبحان الله كمله جا
وقدهو موضف في وضيفتين
والشباب السعودي أغلبهم بلا وضايف ولا شي مايستاهل
مع العلم أنه يقول لي أن ذي الوضيفتين مؤقته
لنه موعود بوضيفه أحسن منها في سعودي أوجيه
نحن أجانب في وطننا
__________________
لأستشاراتك القانونية أضغط هنا
لوجه الله تعالى