رد : سؤال عن بني يزيد من قبايل شريف
اقتباس:
المشاركة الأصلية كتبت بواسطة عبدالله بن داوود
ارررحب يالعبيدي ..
وبالنسبة لقصه آل داوود فهي مشهورة في الجنوب وخصوصا في منطقة الحمـرة .
ال داوود كانت لهم مشيخة قبيلة شريف قحطان قبل بن دليم . وكانو حكام على منطقة الحمـرة بالجنوب
من جزيرة العرب ولهم مشيخة وزعامة قبائل شريف قحطان . وتحديـداً الشيـخ /عبـدالله بـن داوود.
وكانو ياخذون الجزيه على اي قبيلة يصب عليها وادي الحمـرة الذي يعتبر ملك ل آل داوود.
وكان الوادي يصب على قبيلة آل منصور من يام . وارسل ابن داوود عبده يجمع الجزيه (الضريبه) على قبيلة ال منصور
فقتلو العـبـد وارسلوه لابن داوود لإعلان الحرب . بعد ذلك استنجد بن داوود في شريف فلم يلبـوة.
ثم استنجد بعبيـدة فاعتذرو منه ثم استنجد بالحباب فلبوة وفزعوله على انهم اذا انتصرو ياخذون منطقة الحمـرة من بن داوود وكان لهم ذلك.
وكانت المعـركة حوالي عام(950) هـ .بعد ذلك تفرقو آل داوود منهم من راح لبيشة ومنهم من راح لنجـد.
وهذي القصه باختصار والمعذره ان حصـل خطـأ او تقصيـر.
وشكرا
|
السالفه ان بن داوود كان ياخذ الجزيه علا هل الطلحه (العشر من ما يحصدون) وكان ياخذ علا السيل كبش ومد بر وعكة سمن
والحمره هي املاك شخصيه لال داوود ولا لشريفي فيها محط عصا وهي فيد حرب وفي يوم من الأيام طق الحمره سبعة سيول
فارسلوا أل منصور يام عكة ومد بر وكبش فردها يبن داوود (عبدالله بن هادي بن داوود) وقال ترسلون سبع كباش وسبع امداد
وسبع عكاك سمن ...قالوا ها ارسل العبد يبن داوود ويوم جاهم العبد علا الفرس قالوا انزل وكل من الحب يوم دنق العبد وقام
يكيل في الحب فقوموا يآل منصور واغرسوا الشريم في ظهر العبد لي مافي عينه قطره وقاموا انهم يقطعون محاشم العبد
وحطوها في فمه وقطعوا مشافر الفرس وحطوه علا ظهرها وروحوه لين العنابس وقوموا يالعنابس وروحوه لبن داوود
فقام
بن داوود وانه يصيح في شريف قالوا شريف حن في لازمك بس انك طالب غوا ولا حد ياخذ علا سيل ربي شئ الا انت يبن داوود
ولا انت بتكلثي ربعك في عبد ثاني ما به انت قاطع المقادي علا ربعك واهلكت شريف كل يوم من حرب في حرب... معا العلم
ان آل منصور ما به الا قريه صغيره ولو حاربوهم شريف كان كلوهم لكن الله سبحانه اللي اراد وهذي خاتمة الظلم ....عود قام
بن داوود وانه يصيح في عبيده قالوا عبيده مانقدر ومن حيث ما حطتك يمناك يا وجه جنب ...فان بن داوود يقوم وانه يصيح
في السوق قال من ياخذ ((عروس)) بحرب يوم قالوا الحباب شريناها وقاموا صبيان الحباب وانهم يحربون ال منصور وياخذون
الحمره ... واما بن داوود فخلا عاره وخلا ماقفه وزل في ربعه شريف وانه يشد ويسافر صوب بيشه
هذي سالفة بن داوود والحمره وهذي خاتمة الظلم وشريف مايلحقهم قافي وهم شيوخ وعلا الشداد من اول الزمان لي تاليه
وشريف حد السيف مكرمين الضيف يا سعد منهم محزمه وقد ظهروا وتزعموا ولهم حروب وصولات وجولات لكنها في البدايات
في القرن الخامس والسادس والسابع الهجري بينما بعض القبائل لم تكن قد تكونت بعد وليس لها ذكر ولكن المشكله عدم وجود المؤرخين
في تلك الفترات ولكن هناك شخصيات ومواقف حفرة اسمها في الصخور مثل عامر بن زياد وعاطف الهرمس ومانع بن عين شمس
وبن داوود وبن شعبان وبن الميز و فرحان بن شايع بو لعثه ومحمد بن دليم وغيرهم الكثير من الشيوخ والفرسان....
والسلام عليكم
__________________
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الـمـوت والعز ضيـفـان قحـطـان=يـامـا تمـنـى الـعـز فـيـنـا قـرابــه
والنجم ياصاحبي حامي وسهران=يـفــدى ولـدنــا بــلامــع شـهـابــه
والقلـب لـو كـان لـلـدم عطـشـان=نروى برشـد القبيلـة فـي صوابـه [/poem]
القادري الشريفي