[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
البارحة سهران والعالم رقود = مع بنات الفكر حسنا التواصيف
اخترت بيض اللون ما جيت انا السود = وتزينن لي لين صارن على الكيف
وشدن شراع القاف مع هبة النود = في وسط بحر الشعر ما هي بعلى السيف
والطرس مرسى والقوارب له تعود = والقاف قارب والريش له مجاديف
بحر الشعر خضناه والبحر ممدود = كله علا شانك ولرضاك يا هيف
مبروك من الاعماق لك يا بن عبود = انا اشهد انك زدت قحطان تشريف
يا طيب السيسان يا راعي الجود = يا عزوة المعتاز يا مكرم الضيف
غيرك تغانى لكن الجود محدود = تاجر ولكن في المواقف محاذيف
قحطان ساسك والفخر جدك العود = والصيب من راس الفحل (يا سواليف)
قحطان لا جار الزمن قدح بارود = مقنب ذياب فوق روس المشاريف
عزك رفيدة وانت بالعز محسود = وترى نصاب السيف سبة غلا السيف
رفيدة الحكام والعالم شهود = ذرا القبيله دون شك ولا زيف
صقر الهوى ما يهوي الا على فود = والا الطبيعي مسكنه عالي النيف
وباقي القبايل كفو ما فوقهم زود = وكل وقسمه بدو أو حضر أو ريف
ويالله تعز الدين وانصر بن سعود = وحنا بدين الله ربع ومواليف
يفور دمي مع رفيق وصاهود = وانا عمى عيني طباع الملاقيف
باسم الرفق اقدح لك القاف واجود = ولا انتظر من نابي القوم تكليف[/poem]