[frame="4 80"][poem=font="Simplified Arabic,5,black,bold,normal" bkcolor="transparent" bkimage="backgrounds/18.gif" border="none,medium,gray" type=2 line=0 align=center use=ex num="0,black"]
يـا سـلام الله سلام فيه للوافين داعي = من هجوس في ضميري كن في وسطه صناعه
يـالله بغيث يطيـح وتنبت الخــبه مـراعي = الخـزاما والنفـل يا غاية الشوف ومتاعـه
لا أقبل الغيم ورعد وأنهل ماه بكل قاعـي = ينشرح صدري لـيا منـه عطا بالخير قاعـه
والبروق السارية توضي وجاي إلها شعاعـي = يسري الساري على نوض(ن) تـلالا في شعاعـه
ماحلا سج القدم في روض عشبه طول باعي = وخـوة الغالـين مالصدقان ولا مـالجماعـه
ضوهم مشبوبة ماهو فحم ولا صناعـي = غـير سمر من المدينة جابه الجلاب باعـه
والسوالف بينهم بالدور وصدور وساعـي = والدلال مبهره تجلي خـوا الراس وصداعـه
مـا دخل في هرجهم نمه ولا شاري وباعي = غير ذكـر الـرب سبحانه يحبون استماعـه
ون حصل حليب خلفه بكر ما وصلت رباعـي = أشهد انـه هـو غناة البـدو مـا جاهم مجاعـه
مـا يضيق الصدر غير الـيوم لا قالـو وداعـي = كـل يــوم يروح كنـه يالنشامـا ربـع ساعـه
ليت من هو في الخلا وابعد واجي للذود راعـي = أشهـد إنـها غـايتي والله يـرزقــنا القناعـه[/poem][/frame]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
لاكثرو الشعار والمستمع قل = فنشهد إنا بالقصائد نضحي
الكيل زاد ولا بقي شئ يعقل = واخير من قول القصيد التنحي
سعيد بن فالح آل مهدي =[/poem]