رد : ( آل جملا آل جابر آل عاطف لهم سيرة لاتنسى )1
أررررررحب يابن سعيد تراحيب المطر
بيض الله وجهك يا كحيلان على علومك الطيبه يا طيّب
والله ونعم بك وبآل جملا قروم وشجعان واخص منهم بالذكر العقيد الفارس ظافر بن عايض بن جملا اللي دوّخ الدواسر في العديد من المغازي دايم حوّاف يبي ابلهم حتى في اليوم اللي ذبح فيه عاقر الكثير من خيلهم لين منعوه الرجبان وذبحه شجاع بن وثيله اخو شيخ الرجبان حقطان بن وثيله ذبحه وهو منيع والمنعى من سلوم العرب ما يذبحون لكنهم ذبحوه من القهر لأنه ماخذ ابل الرجبان الدواسر ومقفي بها ولحقوه عقب نصف يوم ودارت الدويسه بينهم وذبح وهو منيع عقب ماعقر الفارس ظافر بن جملا فرس الفارس شجاع بن وثيله وفرس الفارس بادي بن مصيبيح وحولهم لينهم رجليه ومد عليه شجاع بن وثيله البندق وصوبه وصار منيع لكن الشيخ حقطان بن وثيله قال لاخوه شجاع اذبحه هذا شر .
مع العلم إن قبلها بفتره الشيخ حقطان بن وثيله شيخ الرجبان هو جماعته الرجبان مربعين بأبلهم في نفود السر ومربعين بجنبهم آل عاطف بإمارة الشيخ مسفر بن هادي بن سعيدان " أبا الذموم " وتحالفوا ما احد يعترض الثاني لينهم في ديار عتيبه لأن ديار قحطان والدواسر ذاك الوقت مجدبه ولا فيها ربيع المهم إن المقطه والشيابين خذوا ابل واحد من الرجبان واستفزعوا الرجبان بآل عاطف وردوا ابلهم من عتيبه .
ولم يقدر ابن وثيله هذا المعروف من آل عاطف اللي ردواا بل الرجباني والدليل ذبحته لابن جملا مع العلم إنه عاطفي ولم يقدر ذلك !!!!!!!!!!!!
تقبل مني فائق الاحترام على ما تقدمه.