[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
اكبر فخر لا جيت قدام سلمان = الشامخ اللي كلنا .. في ظلاله
رمز الكرم والمجد والعز والشان = والطيب والطاله .. وكسب الجماله
أرسى حضارة نجد .. بعزوم وايمان = وكل القبايل مجدها .. من خلاله
عينه على درء الفتن .. عين شيهان = ياقف لها بجاهه وحاله وماله
ما كنه الا .. هيئة حقوق الانسان = ولا كني الا واحدٍ من عياله
حبه تمثنى القلب .. شريان شريان = وارسل على كل الجوارح رساله
السمع والطاعه والاخلاص .. عنوان = ومضمونها .. نفنى .. ويبقى الغلا له
نسل الملوك مرجّحة كل ميزان = سلالةٍ يا طيبها من سلاله
من عصر ابو تركي (معزّي) .. الى الآن = لا غاب نجم .. يجيك نجمٍ بداله
تاريخهم يروي ضمى كل ضميان = وامجادهم .. ما تنحصر في مقاله
بالرمح والشلفا .. وبالسيف شامان = وتوفيق رب البيت .. جل جلاله
من يتبع دروب المضلّين .. ينهان = يفنى .. ويفنى معه حزب الضلاله
ومن قدم الاحسان يجزى بالاحسان = ويلقى المعزه والفخر والاصاله
امدح هل العوجا طويلين الايمان = وشعرٍ يقال بغيرهم .. لا حلا .. له
ومدحي من اصدق قلب .. ومن اعذب السان = وهذي مواجيبه .. وهذا مجاله![/poem]