اعتذر عن الاقطاع في الفتره الماضية وهذه قصيده للتواصل



[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
انتي بداية صمت ونهاية البوح = نصك ضجيج ونص منك سكينة
لا تتعبين الروح داري على الروح = اللي معك يتعب عسى الله يعينه
ولا تجرحين القلب والقلب مجروح = جرحاً قديم وجيتي تجديدينه
كنك تبين السر لناس مفضوح = أنا أعرف اللي ناوية توصلينه
سوالفك هاذي تمشى على اللوح = ولا الذكي يحول بينك وبينه
ماني كتاب بين يديك مفتوح = وليا قريتي صفحه تقفلينه
حتى ولو قلتي مع الوقت مسموح = ماني بقايل افعلي ما تبينه
المسألة ما هي سواليف ومزوح = ولا حكاية واحد تعرفينه
المسألة وشلون تقضي على النوح = نوح الحمام اللي جفته المدينة
كن الأمل فدي عن الهم مذبوح = وكن المشاعر عقب فقده حزينه
تعبت اسامر نجمة مالها ضوح = وعجزت اعدل في شراع السفينة
ودي ولا ودي يجي يوم وتروح = ودي احطك في يديني رهينة[/poem]