قال الشاعر سعيد ابوديه : في الموضوع نفسه

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
في سجن ظهران زرت اخوي ابن كدمه=وانا وهادي سعود بحسبة اخواني
جينا زياره ومعنا بالرضاع امه=في قلبها شوق مدري هم واحزاني
وساعة وقف قامت اتناديه وتضمه=من زود حب الضنا في قلبها الحاني
ومن زود شوقه يون وقال يايمه=انا على شوفتك بالحيل ولهاني
وقامت تنوح العجوز وسلهمت يمه=ودموعها كنها همَال وداَني
صاحت وناحت وزادت بالبكاء همه=ويقول يمه كفاني هم واحزاني
ثم انكسر ناضره من همه وغمه=بين الرجاء والامل والياس حيراني
ثم وقَف ارضاً لها تواضع وحشمه=وقبَل يديها ودمعه فوق الاوجاني
ثم التفت يمَها في خاطرهكلمه=واقفا موادع وهو مكسور جنحاني
ثم كبَله حارسه بالقيد واختمَه=وامه تنادي بلهفه شوق واشجاني
ونَت وناحت عليه ونادته باسمه=وقفَا موادع وهو راضي وزعلاني
وحملني امانةٍ تبرى بها الذمه= قال انت ياخوي في ذمتك ورعاني
ورحت آتفقد عياله وكلاً ملى فمه=ايقول بابا اسنين اطوال ماجاني
وانشهد ان كل حي يحن له دمه=من بعد هذا حصل لي موقف ثاني
جتني فتاة خطاها تمشي بهمه=ثم اعثرت وانثنت قدام تنصاني
وعن راسها فرَعت ثم طشت اللثمه=وتطيح وتقوم مضيومه وتنخاني
قلت ابشري والعسر والله ماهمَه=الظاهر ان القدر للموت ودَاني
قالت ياعم اين ابوي اللي ولدعمه= غرامه ابوي ابن عمه وهو الجاني
اشكي عليك الزمن ياعم من ظلمه=خلاني آعيش في حيرة وحرماني
ياعم تكفا تلف الشمل وتلمه=ابغاك تفزع وتنخا قاصي وداني
قلت الردي جعلها تبكي عليه امه=وانتي نخيتي وانا بنخا كحيلاني
بنخى ابن فرثان صقر وكره القمه=وانخاه باسمي وباسم اشيوخ قحطاني
وادخل على ربنا اللي يكشف الغمه= وادخل على هادي ابن معيض لاهاني
وانا دخيل الحضن والبيت والذمه= وادخل على الحي واللي وسط الاكفاني
يا (مارد) للظوامي صافي جمه= واللي ورد له صدر ماهو بضمياني
الحكم لله وحكمك بيدك وسمَه=لرضاك ما ننكره لو كان ما كاني
والعاقل اليا بلاه الله كبر حلمه=ايهون الكايده يا وجه سنحاني[/poem]