إليكم هذه المحاورة التي جرت بين ( محمد السناني ورشيد الزلامي )

[poem=font="Simplified Arabic,6,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

السناني =
الزلامي مرة شاعر ومرة مستشار = لو كبير السنّ بعض الطرق ما تقبله
وإن نشدته قال لعلها تشتب نار = جعــــــلها في كل ليلة تفجّر قنبلة

الزلامي =
الزلامي يضرب الحزم وايطير الغبار = والسناني صار من مشكلة في مشكلة
ياجماعة خير وش صار مدري ويش صار =البصل والثوم ريحه بثوب اللي كله

السناني =
لا تغبّر والمثل قيل ما معك اختيار = الرجل ما يبحث الحاجة اللي تزعله
لا تبرّى وأنت واحد من الروس الكبار= ادخلوا في سلسلة واخرجوا من سلسلة

الزلامي=
لا تولّعها ترى النار تالع من شرار =وانت ولد اجواد والشر معروفاً هله
البس البدلة وخلّك على باب المطار = وان لقيت ابليس فتّش علوّه واسفله

السناني =
طرقتي متبيّنة كنّها شمس النهـــار =كل بيتاً ما يشرّف تراني ما ادخله
وانت خلّك يا الزلامي على مدخل شهار=لا تجي إلا محتزم والجيوب امحمّلة

الزلامي =
أنت وش دخّلك ما بين حلقي والزرار = لين اثرت الشر بين العرب والبلبلة
الطوال ابخير مير المصيبة في القصار=بسّ تالي الوقت كلاً يحاسب بعمله

السناني =
أشهد انّ الشر جا من يمينك واليسار =كلّ ما حصّلت في ماقفك تستاهله
السيوف اقصار لكنها تقصف عمـــــار =انتظر لا ما تجيك السهوم المرسلة

الزلامي =
موقفي واضح لكنّ انت معرف لك قرار = والجميع ابخير واللي يناسب لك قله
يا السناني لا توقف على خط القطار = أنت في سن ٍ مبكر وتبغى المرجلة

السناني=
الجميع ابخير والوقت قفى واستدار = السما مخطور والأرض فيها زلزلة[/poem]

__________________