من شفاليـت(ن) صمايلهـا ولواهـا
زادت الهيـبـه بـعـز ومقـدريـه
من اقـروم(ن) للعـدا تلعـن ثواهـا
والفهر رمز الظفـر رمـز الحميـه
من عبيـده قالـه الطـرس لدواهـا
والعبيـدي سيـف عـز بكـل هيـه
مـن قحاطيـن(ن) فعايلهـم رواهـا
سن رمح وحد شلفـا(ن) حضرميـه
ويا الله ان تجبر عزا نفس(ن) ضواها
ليـل حالـك للهمـوم السرمـديـه


صح الله لسانك يابو نواف

قصيدة رثائية رائعه
وفيها من الحزن الشيء الكثير

الله يحسن عزاكم ويحسن عزانا في خالد بن ذيب رحمة الله


تحياتي يابو نواف