سالفة فكاهية فيها قصيد وأبيكم تعطوني رأيكم فيها لاهنتووووووووو
الموضوع وما فية طالت عماركم دق علي خوي الي وقال تكفى يابن الأسود أبيك
تكتب لي قصيدة وهو خابر أني شويعر من خلال قصايد بيني وبينة وخويي حضري
وخالة هاجري المهم الرجال توة خاش الأمنية وقال لي أنا خالي مسوي زعلان علي ولا يسلم
من بعد صداقة بينهم وخالة توة معرس قبل فترة قال لي رفيقي أبيك تعيش
الموقف وتخيل إنك أنا وترسل القصيدة لي عشان برسلها لخالي وكتبت لة :
تكفى يا خالي فلاح أنا ويش سويت ـــــ من عقب سارة وأنتة متغير علينا
من عقب ذيك الصداقة ضاق بي البيت ـــــ مدري وش الي طرى لك ما تسلم علينا
مدري زعل مدري جفا مدري تغليت ـــــ يا ليت إنك مثل ما ني أبيك أنتة تبينا
وترى الليالي تردك لو أبعدت ما جيت ـــــ وأذكرك بجي يوم(ن) في دوامي تراجع علينا
وتراكم خوالي هواجر(ن) لا تعزويت ــــــ أنشق بطن الحوت ومنة كلينا
والمعذرة لو اني في كلامي تعديت ـــــ هذا من غلاكم وألا لو أنة غيركم ما درينا
وبعد ما أرسل رفيقي القصيدة لخالة عبر الجوال ألا خالة داق علية ويسلم ويتعذر
ولطف الجو معة وتسهلت الأمور والحقيقة أستانست أنا سويت خير وانا مدري
بس الي يقهر ما عطاني رفيقي ولا ريال على القصيدة 
أبي رايكم في الموضوع نبي تفاعل لا هنتو,,,,,,,,
التعديل الأخير تم بواسطة شامانـ العاطفي ; 09-10-2007 الساعة 08:50 AM