.

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
من اللي عطاك الحق يالفارع الرعبوب = تجرّا على نظرة عيوني .. وتسرقها
امانه معك لا احدٍ يزيد الذنوب ذنوب = كفاني عذاب اللي حياتي .. معلقها
تغافلتني .. ثم جيت من كل فج وصوب = الاشواق مرهيها .. والابواب مغلقها
بغيت امتنع .. لكن مالي عن المكتوب = رضت نفسي بما صار .. والله يوفقها
لو الله عطاني عزم يوسف وصبر ايوب = ما راغت عيوني فيك .. والشوق يحرقها
ويا وجد حالي منك يا قلبي المسلوب = بعد غلّفتك اعذب الاحاسيس .. واصدقها
تدلّيت من بين الضلوع وبديت .. تذوب = لكن اجمع ضلوعي بدربك .. وفرقها
تراني أعاني صدق .. من حالي المقلوب = احاتي حياتي كل ما جيت اروّقها
ولا ادري اعيش الجو .. والا انسحب باسلوب = اخاف ادحم العشاق .. وازعِل مراهقها
وانا عايشٍ بالفطره .. وشاعرٍ موهوب = واحب اللكاعه .. وافتعلها .. واطبّقها
ولكنّ فيني حاجةٍ تعتبر .. عذروب = من اللي من الجمهور .. ودّه يوثقها؟
عيون الحبيب .. وخدّه .. وقدّه المصبوب = يجابه هوى نفسي .. وينهي تعملقها![/poem]

.