اخواني اعجبتني هذه القصيدة اللتي لاتسغرب

من شاعرنا /سعد بن مناحي بن شفلوت............


كل رجل ٍ من بحور المعرفه غـرف
اتكلـم وغيـري ماأقـدر اسكّـتـه

وكل عين ٍ تفيض وكل دمـع ٍ ذرف
والهدب لاضحـك منهـا ولا بكّتـه

ياخوي ٍ يعرّف عـارف ٍ ماعـرف
باب مهما تهـب الريـح ماصكّتـه

إسمع اللي ماطاوله الهنـا والتـرف
لاخـذتـه العزوبـيـه ولافكّـتـه

تجْرته معْه لاحتاج منهـا صـرف
من جنيه ٍ سمـوم القيـض ماحكّتـه

لا احتمى الموقف الغصّاب كد وكرف
والكفـؤ سكتـي ماخالفـت سُكّـتـه

خوّة الكفؤ عز وخدمتي لـه شـرف
خدمة ٍ لاولت صـدر الـردي تكّتـه

وإنس ناس ٍ مكدّتهـا مكـدّة سـرف
لعنبو باشة الشريا علـى ابـو إكّتـه

وإنتبه لي تراني راس ماني طـرف
لي محـل ٍ شهـود الشيـخ مازكّتـه

وسلامتكم،،،،،،،،،،،،،،،،،،،،