رد : يا قوم --الى اين نحن ذاهبون --؟؟
اقتباس:
ولن تجد احدا منهم --يقول سوف أؤلف كتاب --او اسافر لاكمل بحوث عندي ودراسات في العلم
الفلاني --او سوف اصرف وقتي على ابحاث حول الشيء الفلاني --او الدواء -- او على الاقل
سوف اقرأ --!!!!!!
|
مانقدر نعمم هالكلام على الكل
لكن انا ابركز على نقطة القرائه
المصيبه اللي عندنا ان ما احد تعود يقرى قدام العالم
يعني انت ماتقدر تأخذ لك كتاب وتفرش فرشتك على الكورنيش او تحط لك كرسي وتقعد تقرأ
لأن الناس بتطالع فيك بتعجب
لأنها ماتعودت على هالشي ،، او راح يقولون شوفو هذا مسوي لي فيها يقرى
انا جتني فترة اروح لمكتبة الملك فهد ومكتبة الملك عبدالعزيز للقرائة
يعني اروح هناك بالساعات ابحث عن كتاب معين واقعد اقرى فيه هناك
واذا اعجبني شي فيه صورة جزء منه ،،، حتى الشباب اللي شغالين هناك استغربة هالشي
قالو انت وش عندك ،، كل يوم هنا ولا عندك بحث ولا يحزنون
لأن اذا جيت تصور لك اي كتاب لازم تعبي لك معروض كامل للتصوير
يعني ماعندنا ثقافة قرائة
انا اشتري عدة كتب من فترة الى فترة واوزعه مابين الغرفة والصالة والسيارة
فاذا كنت انظر في السيارة في اي مكان اطلع الكتاب واقعد اقرأ ،، بس كيف اقرأ
اخش الكتاب تحت واقعد اقرأ ،، اخاف احد يشوفني ويقول وش عنده ابو الشباب مسوي مثقف
ياخي بره في امريكا لما كنت ادرس وانا صغير كان في المدرسة مكتبة بس مو زي مكتبات مدارسنا
قصص وخرابيط ،، كان فيه كتب ضخمه جداً ،، وكانو زملائ لي يستعيرون كتب بشكل اسبوعي
وكل كتاب اكبر من الثاني
ولما تطلع في الشوارع والأماكن العامه تلقى كثير ناس تقرى
حنا ينقصنا شوية تثقيف عن القرائه وفوائدها وغيرها
حتى نزيح من الناس هذي العقده من الكتاب
مثلا يكون هناك اسبوع للكتاب تقوم المكتبات بوضع تخفيض على الكتب
ويخصص اماكن للقراء ،، وهكذا
ادري اني طولت بالهذرة
وبتقول وش ذا اللي سمج الموضوع
تحياتي
__________________
،
«لا إله إلا الله محمد رسول الله»
،