رد : نجم سهيل
ارحـــب يامحمد بن فالح
لا هنت على المشاركة الطيبة عن نجم سهيل اليماني
وهذه قصيدة للشاعر فهد المفرج في هذا الموضوع:
القصيدة / نجم سهيل
أنا مولع من صغر سنـي بنجـم سهيـل
أحبـه وأحـب اللـي كذلـك يحبونـه
إلى أقفى لهيب القيظ واقبل نسيـم الليـل
وراع القنص والطير جـود دركسونـه
علـى وارد ماحـل عقبـه ولا موديـل
جديد الجيوب اللي من الشرق مضمونـه
الى ريـح الفكس آآر ومحا سـواة السيـل
وبسم الله الرحمـن الـى عـد طبلونـه
مجهز ومعهم صنعه الـروس والدربيـل
وفرد الـى جـاء لازمـه مـا يخلونـه
ومعهم دلال صفـر فيهـن بـن وهيـل
وكيفـن مهـيـل للنشـامـا يصبـونـه
سواليف وعلوم ونشامـا ودلكـت خيـل
ونجر الى جاء الضيـف قامـوا يدنونـه
شباب علـى يمنـاه طيـر يهـد الحيـل
الى شالوا البرقـع وبالصـوت يدعونـه
ياويل الحبارى منـه ويل(ن) لقيبـه ويـل
الى ذيرت ثـم شافهـا الطيـر بعيونـه
الا يا معصبت الغتـر ياشبـاب الجيـل
هو اللي يبـي الخـوه معاكـم تردونـه
ويالايمي مالك على هل الولـع توكيـل
مالك ومال اللي شكا الوقـت وطعونـه
عسى لايمي يشكي المرض ويتمنى الشيل
يعجـزون طـب المملكـه مـا يداونـه
علشان يدري ليه انا أحب نجـم سهيـل
لاواعـذاب اللـي سـواتـي يحبـونـه
موسى آل شاهر البشري