[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=0 align=center use=ex num="0,black"]
ابو نواف
في منتدى ربعي هل الطـالات والعلـم السميـن =يا مرحبـا بضيوفنـا وربوعنـا واللـي حضـر
ترحيبة(ن) من هاجس(ن) يحرص على مد الثمين =واليا انتقى ما ينتقي يا كود مـن روس الزهـر

ابو سليمان
في منتدى ربعي هل الرده مرَويـة السنيـن =دام البقا باللي يرحب والفخر لأهـل الفخـر
ياجعلها عاده تـدوم ولا تغيـر بـأي حيـن =اكرب حزامك يابن عايض واربط احزام السفر

ابو نواف
اشوف لك يا صاحبي رقم(ن) مع الشعّار زين = تشرب فناجيل الرجال ولا تهاب من الخطـر
لا شك انا لي معك وقفه والقسا قافيـه ليـن = أمـا تقـدم حجتـك ولاّ فتنـذر لـي نـذر

ابو سليمان

الحمدلله ماغدالي ياولـد الاجـواد ديـن =الطيَب آرد اله طيبه والقشر لأهل القشـر
والجره اللي شاهدوها جرة القرم الذهيـن =مدري تصاريف القدر والا صواديف الدهر

ابــــــــــو نـــــــــــواف
يا ويش رايك يا ولد وانت الذكي وانت الفطيـن= في تاجر(ن) باع وشرا مدري كسب مدري خسر
بضاعته للحان والكلمـات يـا الرجـل الرزيـن =يضرب بهـا مـن حدهـا لحدهـا بـر وبحـر


ابو سليمان
الله يعاف المبتلا والله يعين الصابريـن =كل الأدله والقرائن عندنا وش ننتظـر
اللي من همومه يهل الدمع ويجر الونين =لايمكن يشوفونه الرواد في سطح القمر

ابو نواف

يا والله اللي ضاعت الصيده عسى ربي يعين =وش فيك يا رجّال مالك مثلنا سمـع وبصـر
والمشلكه ما في حشاك إلاّ الريّه والكليتيـن =أمّا قليبك فاشتوينـا ثومتـه فـوق الجمـر

ابو سليمان

اكتب سطورٍ يابيض الشارب تسر الناظرين =محدٍ حسد رجال ماعمٌر على طول العمـر
انا اقدر اقول الخبر يامحترم فـي كلمتيـن =عسى المدرهم ينتبه بعد الضهر قبل العصر [/poem]

__________________