حادوني على كثر السفر دورة العيشه وناس ترقبني تبي من يعوشها
فانا بطلب اللي ما تقصر مناويشـــــــه ومداته الجزلات محدن بنايشـــــــــــــها
هو الرازق اللي يرزق الطير ابو ريشــه عساه يزين حالة صرت عايشـــــــــــها
مرار ورى عرعر ومرار ورى بيشـــــه ومرار على سلوى الجمارك انقرشـــها
وتقوم جماركنا كل مركز بتفتيشـــــــه ومن عادت جماركنا مايخاشي نفتشها
ومن لام عيد وقال ماكثر مطاريشــــــه عساه العسر وصكوك عسره يهمشــها
من عقب ماهو شبعان من كثر تغشيشه عساه النفاذ فلوسه اللي يخششـــــها
وكل من العالم على الله تعويشــــــــــه ولا ينفع المخلوق دنيا يحوشـــــــــــها
ولا ينفعه لما كمشه بمكاميشـــــــــــــه يكون الاعمال الصالحه ان كان نايشها