سلام عليكم ...


مسيتوا بالخير ...






[poem=font="Simplified Arabic,4,darkred,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
ياويش قومك خت موتك تغلّيت؟=على صحيبك وانت غالي بليا
أشوف صديت النظر يوم أنا جيت=من عقب ماأنت بشوفتي ماتريّا
حاولت اجازي صدتك .. لكن أزريت=ان جيت احاول فز قلبي وعيّا
انااشهد إنك بعرش قلبي توليت=حكمت وضلوعي جنود الحميا
لاأقبلت كني تايه وشاف له بيت=ولاأقفيت .. وجدي وجد خيل المحيا
من كثر ماأنا احبك ؟ اقول ياليت=بعض العلوم اللي بقلبي .. تهيّا
يكفّي إني من عرفتك تغانيت=ولاإلفتت عيني تياكٍ وتيّا
ويكفّي انك لازهمت وتوحيت =آتي ملبي دون فكر ومليّا
ويكفي اني لجل عيناك عديت=شعرٍ ليبسات المعاليق ريّا
ويكفي اني لجل عيناك جريت=صوتٍ يميّل كل غصنٍ طريّا
ويكفي اني كم عشانك تعنيت=واسهر واسامر كل نجمٍ مضيّا
تعرف طبوعي مابعد يوم منيت=لكن لجل تعرف مكانك .. هنيا
لوقلت طب هنيه ؟ لآقول طبيت=ولوقلت هيا هناك ؟ لآقول هيا
بالمختصر ... إني لاحبيت ؟ حبيت=وحبك بقلبي مثل وشمٍ وكيا
لكن انا طالبك .. طالبك .. لا جيت=لا لا تغلّى وانت غالي بليا[/poem]


.
.

__________________

لسماع قصائد الشاعر : سعيد بن مانع
اضغط هنا