[poem=font="Simplified Arabic,5,blue,bold,italic" bkcolor="transparent" bkimage="backgrounds/15.gif" border="double,thick,blue" type=2 line=0 align=center use=ex num="0,black"]
أنا احترم تفكيرك الراقي ونظرتك البعيد=اللى خذت بك لين طفيت الغرام المشتعل
اسلوب راقي صح لا يمكن يعامل به بليد=وأنا أندفعت إشوي لا كني تفاديت الخلل
بالله سامحني على ما صار يا العنق الفريد=من قبل يحرقني الندم ويزوّد شوي الخجل
تأكد إن جيتك عيد وروحتك ماهيب عيد=وأنا بشر مانيب معصومٍ من درورب الزلل
تدري بغرامك ياوليفي بين دمي والوريد=متمكن بين العروق وصار قلبي لك محل
كلشن يبيد الا غرامك من خفوقي ما يبيد=حتى إن عظامي بايده والنفس وافاها الاجل
ماعاد باقي في غيابك غير قيفان القصيد=اللى تبكي من سمعها غصب لو إنه خبل
وأنا ادري انك بين غار ونار وتزيد وتعيد=من كثر ما فكرت بالموضوع جابلك الملل
أدري وأقدر موقفك ياراعي الراس العنيد=ولا تحسب إن التجاهل والسكوت من الجهل
صح الخساره فادحه لكن سو اللى تريد=فإن كانها الفرقا وما شابه ترى عمك جمل
تبغي الصراحه يا بديع الحسن والعلم الاكيد=إنا بذلنا جهدنا الصادق على ضوء المثل
حتى لقيت إن المثل بالعكس ينقص مايزيد=ولاهو صحيح إن كل من يمشي على دربه وصل[/poem]

__________________