رد : ابوك قالك يبي يتزوج وش بترد علية؟؟؟؟؟؟؟
الله يجزاك خير يالفهري وين ووين الصاله اسمع كلامي انا احب عيال العود عنده ويوما من الايام وانا وياه رايحينا نسقي النخل قال بنمر علي فلان وباخطب عنده انا والله فرحت لان الشايب كبير في السن والعجوزمسفطه من زمان ومع ذالك ماكنت متوقع ان البنت بتوافق -جينا الرجال وخطبنا ورحبنا وزهم بنته وسالها وافقت الضاهر ان ابوي مخطط لسالفه وانا مادري علي العموم تم الزواج وبعد فتره رزق الشايب بولد الله يخليه له في البدايه كنت لاتسعني الفرحه ولاكن مع مرور الوقت احتل الولد الصغير منزلتي عند الشايب من حيث الحبه والمؤده ولذلك ندمت علي ذلك ايضافه الي ما اصبح يعاني منه الوالد من متابعه لهذا الولد والاهتمام به بشكل لايصدق مما سبب بعض المتاعب للوالد--------- هذي تجربتي ولك وللجميع فايق احترامي