السلام عليكم ورحمة الله وبركاته هذه القصيده ألقيتها في حفل بني عمي الهواجر هم كفو ويستاهلون المدح ولا على القبايل زود


[poem=font="Simplified Arabic,7,blue,bold,normal" bkcolor="sandybrown" bkimage="backgrounds/2.gif" border="outset,medium,black" type=4 line=1 align=center use=ex num="0,black"]
يالله ياعالم خــفى كل مخـلوق = إنك تـقديني واجيب الثمينه
الأفـكار تلعبي على كل طاروق = وأخترتلي من صيد الأفكار عينه
لهل الوفا عندي مواجيب وحقوق = والشعر فيه إعهود بيني وبينه
الامداح لهل الطيب باسوقها سوق = حاضر بحاضر ماتجينا بدينه
فعل الهواجر بان ويشوقــنا شوق = اهل الشجاعه والسيوف السنينه
المدح له في طيبين النبـــــاء ذوق = يبقى مع زحول الهواجر رهينه
شجرة وفاء واكنافها ظل وعروق = وفروعها تبقى حصون(ن)حصينه
فعل الكرم وهبه من الرب من فوق = كل (ن) على العليا تسوقه يمينه
يتوق واحدهم على المرجله توق = وجنوبهم وقت الشدايد متينه
الأصل من قحطان والحق منطوق = بين القبايل حدهم محتمينه
الشعر فيهم ينثني غصب ويروق = من طنخته يفخر وتضحك إسنينه
جزله لهم مقدار والهزل مفهوق = وانا خذيت الطيبه والسمينه
ودي ابارك للنشاما هل النوق = اللي خذو مراكز(ن) مستبينه
على فعول الطيب عجلين وشفوق = فعل(ن) على وضح النقاءخابرينه
لهم مع اهل الطيب والمرجله سوق = مافكرو في الوقت عسره ولينه
مدحتهم وانا على المدح مسبوق = والمدح تزهاه اليدين الأمينه
وصلاة ربي عد مالاحت بروق = على محمد واله وتابعينه
[/poem] الشاعر /عيسى بن مسهي العرجي