المشاركة الأصلية كتبت بواسطة حراليدين

هذه القصيدة من أجمل ما قرأت لناصر القحطاني

[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="groove,4,gray" type=0 line=0 align=center use=ex num="0,black"]
يمه.. الغربة و فرقاك ملتمه = دمعة العين هذي .. مالها داعي
يا بعد راسي انتي ليه مهتمه = الوجع لي سواة الناي للراعي
آخر أخباري: الذمة هي الذمة = و الوصايا هذيك تقدي شراعي
ما به الا سواد يحاود اليمّه = و لا به الا البياض اللي ورا اضلاعي
و اشعلٍ ما يفارق ليل حضن امه = و اخضرٍ كل صبح من اول اتباعي
يتعب البرق ما اتعبت النظر يمه = و انشديهن بعد ما قلّت أطماعي
انجبن لي عروسة حلمٍ اضمه = او بعد توّها تشرب عطش قاعي
و اذكري كيف كان .. العود ابوعمه = ايتعلى صهيله .. و ارخي اسماعي
امنياته بدربٍ ودّي اتمه = آخره صعب .. و اصعب منه مرجاعي
يوم كلٍ فزع له خاله و عمه = يكفي اني وردت العدّ.. بذراعي
أرفع الرأس بين الروس ما همّه = و اتباهى و انا الغرقان باوجاعي
يمه.. الحر طبعه يعشق القمة = و انتي اللي فطمتيني على اطباعي
الهواء دام راسي حي و يشمه = و الله اني لا سوق هناك ذعذاعي
غربةٍ تلوي ذراع اشجع الخمّة = لا تخافينها .. لو تقلب اوضاعي
ممكن تبعثر الرجال و تلمّه = بس بدري عليها .. تلوي ذراعي[/poem]

و سلامتكم