أحبها حبٍ يسمونه هيام
________________________
________________________
بسمك يامن بأمـره يـدورن الآيـام
ياباعـث الآمـوات يـوم القيـامـه
يالخالق العلام باللـي فـي الآرحـام
يامنزلٍ وبـل المطـر مـن غمامـه
يـامـذلٍ أقــوامٍ ويامـعـزٍأقـوام
تحفظ بلدنـا بعـز وأمـن وسلامـه
أرض النبوه والهدي أرض الإسـلام
أطهر بلد في الكون شرقـه وشامـه
أحبهـا حــبٍ يسمـونـه هـيـام
أعلى مصاف الحب وأزكى غرامـه
وأحب قايدها عمى عيـن الأخصـام
صقر العروبـه والفخـر والشهامـه
يعيـش أبومتعـب ذرا كـل منظـام
لمن ضامته دنيـاه والوقـت ضامـه
ماحط مـن دونـه حواجـز وخـدام
يستقبل اللـي جـاه ويسمـع كلامـه
أبـو الفقـارى والأرامـل والأيتـام
كم من ضعيفٍ يطعمه مـن طعامـه
عليه منـي إعـداد ماتخـط الأقـلام
أزكـى سـلامٍ لـه يليـق بمقـامـه
وسـلام ياسلطـان يانسـل الآكـرام
يالفـارس اللـي يستحـق الزعامـه
عضيد ابومتعب لنـا عـز وحسـام
اللي كسب من المجـد ذروة سنامـه
لياكبرت القالات ثـم أعتـزى وقـام
يبطي عـدوه ماهتنـى فـي منامـه
وأمن البلد بأمر الولي محكم إحكـام
نايف سهـر لآجلـه وطبـق نظامـه
ومن خدمته حطيت فوق صدري وسام
ولازلت أخدمه وأفتخر فـي وسامـه
واللـي تنكـر للبلـد شلـة خـمـام
تفجيرهـم مـازادنـا إلا صـرامـه
من مات منهم مادعيـت لـه برحـام
واللي بقـى منهـم يعيـش بندامـه
وصلوا على خير البشـر سيدالأنـام
إعدادمن قام رمضـان(ن) وصامـه