السلام عليكم ورحمة الله وبركاته

ابشر بعزك ياخيال الزرقاء

والله اني عرفته بس ما بغيت أحرق الفرصه على الشباب

ولكن مادام ان بنت الشايب تنخانا فاستلم الجواب طال عمرك:

الحين السبيكه الذهبيه عبارة عن لوح مجزّأ 7 قطع متصله ومرقمة

والمقص ما يعمل إلا مرتين

أول شي تفصل القطعة رقم واحد لحالها

ثاني شي تفصل القطعتين رقم 2 ورقم 3 لحالهم

وتخلي رقم اربعة وخمسه وسته وسبعه في جزء لحاله


صار عندها ثلاث أجزاء, الاول عباره عن قطعه وحده , والثاني عبارة عن قطعتين متصله مع بعض
واما الجزء الثالث فعبارة عن اربع قطع ذهبية متصله مع بعض

زين؟

اليوم الاول ...تعطيها الجزء الاول ... ويبقى مع البنت الجزء الثاني (القطعتين) والجزء الثالث( الاربع قطع)
اليوم الثاني ... تاخذ الجزء الاول من العجوز وتعطيها الجزء الثاني ... ويبقى مع البنت الجزء الاول والجزء الثالث
اليوم الثالث ... تعطيها الجزء الاول ... ويبقى مع البنت الجزء الثالث
اليوم الرابع ... تاخذ كل الللي مع العجوز وتعطيها الجزء الثالث ... ويبقى مع البنت الجزء الاول والثاني
اليوم الخامس ... تعطيها الجزء الاول ... ويبقى مع البنت الجزء الثاني فقط
اليوم السادس ... تاخذ الجزء الاول وتعطيها الجزء الثاني ... ويبقى معها الجزء الاول والأخير وتعطيه ذا العجوز اللي خشمها كنه تمثال جيب ... وبعدها تقعد تدعي الله وتطّلب ان اهلها ما يغرزون في الطريق والا بتروح طعام جحوش

لاهنت على اللغز الجميل نفداك وكثر لنا من هالالغاز الروعه

أخوك/ مبارك