مساكم الله بالخير

هذه قصيده لأخي الشاعر / يحيى بن محمد المغيدي المعمري ( رئيس لجنة الخياله والهجن بالمزاين ) , وهي ثناء على قصيدة الشاعر المفوه الكبير / فلاح القرقاح في مزاين ابل قحطان الأخير , وقد القاها في المناسبة اللتي اٌقامها الشيخ / حناش بن جارالله لتكريم اللجان المشاركه بالمزاين وبحضور الشيخ / جعفر بن شري (شيخ المسارده ) في يوم الاحد الموافق 3/5/1428هـ ,


[poem=font="Simplified Arabic,4,black,bold,normal" bkcolor="orange" bkimage="" border="double,medium,black" type=2 line=1 align=center use=ex num="0,black"]
هذي قصيدة بنو قحطان=فيها تجلت مشاعرها
من شاعر قالها طربان=في محفل العز ناشرها
يوم المزاين طليق لسان=متحزم من ذخايرها
يوم الحمل شاله الظفران=لو هم بعارين يعثرها
كل على موتره عجلان=جاب المعونه يجيرها
من شان جد بنى البنيان=حق نعلي جدايرها
قحطان يوم الشرر نيران=واليوم تطفي شرايرها
لامن دعانا رفيع الشان=حتى المحرول يسيرها
واللي من عوالنا صقهان=تسمع لو الله مسكرها
نرخص لبو متعب الشبان=وكبارها مع غرايرها
دون الحمى يعترينا جنان=نفنى ولا احدن يشبرها
حن في وطن زينة الاوطان=ملعون من هو يشرشرها
ياتيك في مظهره رحمان=بثياب قاصر شبايرها
يلبس ملابس هل الايمان=مدثر في دثايرها
احذر ترى داخله شيطان=يبغى يعثور عثايرها
تاتيه فتوى من الافغان=وشيوخنا مايعبرها
دين الخوارج على الازمان=كل الجرايم يبررها
لامن ظهر للحيايا شان=سيف الشريعه يبترها
مشكور ياراعي القيفان=قرقاح محيي شعايرها
لاهنت يامكرم الضيفان=حناش موفي قصايرها[/poem]

__________________
الباب الاسود !!