..:: شاعر ::..
مراقب سابق
تاريخ التسجيل: Dec 2006
المشاركات: 1,156
رد : كلاشنكوف
اقتباس:
المشاركة الأصلية كتبت بواسطة مطلق بن راشد بن القعيمه
السلام عليكم
إخواني الأعزاء
إليكم هذه القصيدة اللتي أزعم أنها غزليه
اتمنى احد المشرفين ينسقها ويكتب لي في الردود كيف انسق
على شكل أبيات
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
انا والليل ولحافي وذيك وسادتي وفراش=ونوم العين مدري وين ساري قبل فجريه
اظن البارحه عيا عليه مهلي الحشاش=بعد ما جرها مسحوب من عقب الهجينيه
سروبي للطواري وادخلوني غرفة الانعاش=وفحص قلبي بروفيسور جنسيته مصريه
يقول اظن يابني فيه حاجه بس معرفهاش=واقول ابك انت وش عرفك بامراض الهواويه
تحسب الدعوه مغذي مع اشوية حبوب وشاش=واعود كني حصان بميدان الفروسيه
صويب الرمش في صدره تقول مصوبه رشاش=كلاشنكوف من صنعا مهربه ابو جنبيه
بعد ما خزن القات وتلقى للخلا وانحاش=وثارت عجته وخلافها سبعين دوريه
على شاص جديد سارقه من واحد غشاش=سرقه العام قبله من تهامه بالسعوديه
وغير لونه الاصلي بعد ماقرشه قراش=وركب لوحتين حمر اماميه وخلفيه
من ارباب السوابق مجرم ولولا الحيل ماعاش=ومطلوب للامن وعدة اجهات حكوميه
والانتربول عمم صورته في كل صوب وماش=مضيع قبله اجهزة السي اي ايه المريكيه
يماني متهم بالقتل والسرقه وبيع غراش=وتزوير وحيازة بعض الافلام الاباحيه
وتهريب السلاح ونقل مجموعه من الاحباش=وتوتير العلاقه مع بلاد ذات اهميه
حذف دفتر جوازه للبحر واقبل بدون ارعاش=جوازه طارته والختم سرعته الجنونيه
يقول اما غناة الذيب والا فقره ليا هاش=ولو كسبه حرام في حرام ونيته سيه
وجودي كلما يطري علي الضاحك البشاش=وجود اللي غدا في رملة الربع الخلاويه
وجود اللي سجن بمعسكر في ديرة الاوباش=عليه كلاب رامسفلد تنبح كل عصريه
وجود اللي بعد غره سواد عيون بنت اللاش=خذاها وانجبت له عاصي مافيه ماويه
من اول كان يرجي نفعته واليوم شب وطاش=وجازاه العقوق وهمله لا رحم ابو حيه
صحيح العمر دون مورد الخدين ما يسواش=خصوصا لا غدت فرقاه مثل الموت حتميه
يناقشني قليل المعرفه بالحب عنه انقاش =واحقره واتركه مني ولا اعبر دواديه
ترى قلب الهواوي عن هواه مدافع قشاش=الى لعبوا عواذيله وخطتهم هجوميه[/poem]
وسلامتكم
|
مطلق بن راشد القعيمه
صح لسانك ولا عثر حصانك
خيال واسع وابداع بلا حدود في هذه القصيده
ننتظر ابداعك القادم
تقبل خالص تحيات اخوك
( بالنسبه للتنسيق بحاول ارسل لك الطريقه في رساله خاصه انشاء الله )
__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]