[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=0 align=center use=ex num="0,black"]
ابن عبيدة
سلام الله عدد ما رحبوا بالضـــــــيف والخطار =هل الطاله واخص الشايب اللي انتم اعياله
اشوف السايق المسرع يبا يرجع عن المشوار =بعد ما طال ليله والمســــــافه اتعبت حاله
عبدالله بن عايض بن رده
هلا بك مرحبا واقلط وتوك مجلس(ن) به نار =تقهو الله يحيي جيتك واشرب لـك (ا)بيالـه
هلا بك وانت شاعر وادخل الساحه مع الشعار = توكل واجتهد والآدمي يمشـي علـى فالـه

ابن عبيده
كفو ياصــــاحبي والدله اللي كيفت ببــــهار=وتسلم علمك الغانم مضى يعلن بها الصاله
وخيلك ليه ما تجري بعد ماجت على المضمار=ترى راس المكاسب بالفرص ياراعي الطاله
عبدالله بن عايض بن رده
توكل يا عميلي واظهر اللولو مـن المحـار =وترى الرجال مثلك تشهد افعاله على اقوالـه
انا راع الحصان اللي يـروم الاولـه والكـار =وابيك اتقرب (ا)من النت والطاروق تصحى له

ابن عبيدة
رسمت مخطط الفله ولا نحتاج للتكــــــــرار=اذا دليت مادليت وضعك تابـــــــــع احواله
حدث يفرح به المسلم وراع الصومعه يحتار=تثبت قبل ما تخطي وشوف اللي غدى داله[/poem]

__________________