هذه القصيدة من روائع الشاعر سعد بن جدلان الأكلبي

[poem=font="Simplified Arabic,4,black,bold,normal" bkcolor="transparent" bkimage="backgrounds/15.gif" border="none,medium,gray" type=1 line=0 align=center use=ex num="0,black"]
الا يالله عفوك لامعي بيجر ولا جوال =ولا عندي وضيفة والتجارة فاشلن فيها
ولاعندي شهادات ولاحرفهى تسد الحال =ولاحظ كبير لأخطت الجره يقديها
مخابي الثوب تومي ما دخلها من زمان ريال =بها فاتورة الكهرب ولا يمدي أقضيها
على ذيك العراوي تتعب الحادي مع الجمال =ثلاث شهور في الورشة ويومين مغطيها
ابيها لو تجمل يوم واجلبها للدلال =يجيها واحد حظه مثل حظي ويشريها
نصيت العسكرية يوم قالوا للنظام رجال =وقدمت الملف وصورة متشخص فيها
خذ الأوراق واحد ماعند ابوه إدلال = سلو الناس وأهل المعرفة والطيب مخطيها
قراها في دقيقة والتفت عجل علي وقال =شهادتك العظيمة ياولد وين لنت مخفيها
أهز راسي ماعندي تقول اني من البنقال =وقمت احب خشمه واطلبه بالله يمشيها
حذفها من يده شين الطبيعة والنبأ والفال =وقال أزين تعود صوب نوقاتك تعشيها
تناوشته من الكرسي وعفت الحل والترحال =وضربته بالبياله عقب مابيحت شاهيها
خذوني للسجن لانيب بلاظالم ولا محتال =مجرد واحد جا يكحل عيونه فيعميها
ويومني خرجت اقفيت لأرض الله وسيع الحال = على برهواه يداوي العله ويبريها
أدور قصعة الجربوع والضب الفتى المحتال = وألأرنب ياشفاة الروح محلاها وطاريها
بلا كهرب ولابيجر ولاغاز ولا نقال =قوانين الحضارة لاتبي شوفي ولا ابيها[/poem]