[poem=font="Simplified Arabic,5,white,normal,normal" bkcolor="transparent" bkimage="backgrounds/37.gif" border="double,4,black" type=0 line=0 align=center use=ex num="0,black"]
ونّيت ونّة واحد لاسعه ناب= لو تسمع الونّات يا شوق ونّيت

اجروح قلبي مالها طبّ واطباب=متغزّرات وفي حشايه مثابيت

بعيان دعج لحظهن ضرب نشّاب= صاب الفؤاد وما خطا بالتّثبّيت

ومن ونّتي يا شوق حتى الصّخر ذاب =ما فادني كثر الحسف والتّنهّيت

اخفي دموعي عن يحسّون لقراب= والاّ حسود ياخذ الخبر والصّيت

لى صابني من سيد تلعات لرقاب= اللّي جعلني هوب حيّ ولا ميت

العنق عنق غزيّل ذبّ مرقاب =اللّي تبيّن والجوازي مصانيت

اللّي من القنّيص حذر ومرتاب =لى يرتعن به في فياض المنابيت

صاب الحشا يا شوق وامسيت مصطاب = وأنا الذي يا زين شرواتك ابليت

البدر عن عيني تذّرا بسحّاب= والكون في مجرات سيره تعاييت

نار الغضا ويهبّها جول هبّاب=هل كيف فيها وانت عنّا تذّريت

ما ينفع الفيوع كثر التّطّلاب= ولا تنفع الحسرات يا ليت ياليت

صلاة ربي عد ما خبّ خبّاب = واعداد من يسعى ومن طاف بالبيت [/poem]