سـلام سـلام ياجـرة قـدم ثـلاب سـلام
سـلام لوكـان جـرة ماترديـن السـلامـي
سـلام يـا محمـل اقبـل ببنـداره وخـدام
تفداه نمر السرايا من سروق ومـن حرامـي
يا مل عيـن تلـد خلافهـا والـدرب قـدام
ان كان تمت على ذا الحال يا ما اطول سقامي
ويامل قلب من الفرقى يحـن ويـرزم ارزام
ارزام خلج طلوع سهيل يـوم القيـظ حامـي
يسقيك يا الديرة اللي مابعد جيتك مـن العـام
واليوم مرت بي الغربـة وابـرد السلامـي
قلت اقهر الزمل اوادع قال هيا الدرب قـدام
الله لا يرحـم الجمـال مدهـون الرسامـي
ان مت ياهلي تراني عند ابوخمسة عشر عام
اركى على الكبـد حـد ماتوقيـه العظامـي
انوح عامين واسلي يوم وابكي عشـرة ايـام
مليت لو محزمي زيـن البـوازم واللزامـي
يا من سميه لجا بيـن الليالـي وبيـن الايـام
اقفاية الليل واقبـال النهـار مـن الاسامـي
والاسم الاخر يذكـر بالمدينـة بنـدر الشـام
ما بين جدة ومكة ما يجـي درب المظامـي
يا ليت واياك ياثـلاب لامـا لـو ميـة عـام
لو كان بالقبر عظمانك تـلا يمهـا عظامـي




سامرية للشاعر عبدالعزيز بن ناصر بن الشيخ