جديد الشاعر / سالم صليم .. قصيدة ردا على من يرون أن قحطان لم يقفوا مع شاعرهم في مسابقة ( شاعر المليون )


[poem=font="Simplified Arabic,6,black,bold,normal" bkcolor="transparent" bkimage="backgrounds/2.gif" border="double,medium,gray" type=2 line=0 align=center use=ex num="0,black"]
قحطان فزعتهم تجي فالمهمّات=ماهيب للترويج ولاّ الدعايه
امعوّضَين بخير يا اهْل المسجات=والبيرق المزعوم ماهوب غايه
شعّارنا اغزر من غزير المحيطات=من البدايه لين حدّ النهايه
في جدّنا حسّان للماضي اثبات=وللحاضر القرقاح رمزٍ ورايه
ومن بينهم تاريخ يُذكر ووقفات=نبْع الأدب منـّا بعلم ودرايه
معَ انّ نظم الشعر مابه بطولات=وفي معظم الأحيان يُحسَب غوايه
لكن حَدَوني مشعلين النعَرات=أسلك طريقٍ قدْ تركته ورايه
جهّال تالَ الوقت مثل العصابات=تظهر عداوتهم بحقد ونكايه
تعجبهم الفتنه وبذر الخلافات=وفي كل شان يمارسون الوصايه
بانت صوَرهم في جديد القنوات=من سوّ ما نقرا كرهنا القرايه
وحنا تحَت ظل الولي عالم الذات=ثمْ ظلّ من فيهم تطيب الولايه
اخوان نوره حافظين الجماعات=اللي تولـّونا بحسْن الرعايه
من قوّ هَيبتهم تزين العلاقات=والنهْج واضح من حديثٍ وآيه
مَير اركدوا يا مشجّعين النعَرات=ما فات من تفريق فيه الكفايه[/poem]