احب ان اشارك بهذه القصيده للشاعر سالم بن عايض الخنفري

[poem=font="Simplified Arabic,5,darkblue,bold,normal" bkcolor="transparent" bkimage="backgrounds/1.gif" border="none,medium,gray" type=4 line=0 align=center use=ex num="0,black"]
هاض بالي يوم ا ديره وافتكر = من ناس زايدين وناقصين
مايعرفون الدليل من الهذر = مايعرفون المعي من السمين
من حساب اهل المواشي والجغر= يحسبون انهم من الي طيبين
علم الي مابعد جاه الخبر = ياخذ المعقول من قلب فطين
يدري الغايب ويسمع من حضر= والقبايل كل ابوهم خابرين
كل عين موقدين بها السهر = من على التاريخ وادوار السنين
لابتي من هجر الى ضلع القهر= ال محمد جمعهم جمع رزين
من حاربهم طاح صفه وانكسر = يلطمون الشر ضد المعتدين
والجحادر مسندي خزن الظفر = تنطح الو اجب ولا بمحايدنين
يالبوبك يالجمل لامن هدر = لادعا داعي الجحادر حاضرين
وقحطان مثل مايات البحر = نصرة التوحيد في دنيا ودين
كم ولو من حلة فيها الكفر= طوعوهم لين راحو مسلمين
في الحروب قلوبنا مثل الحجر= لاتولينا عقاب المشركين
صابرين كل خير وكل شر= بالشهاده والولي متوكلين
مثل حد السيف قطاع الظهر =لاصفق بالدم بين مقاتلين
والله اني ماتمنى بالقشر =كود حنا بالجهاد مهللين
من بني عم يشوقون النظر= لاوفا جمع وجمع مردفين
كان ديرتنا الخوايس والجحر =وانتحينا صوب نجد حادرين
وارتكينا يوم ميلات القدر= مثل ضلع مايهزه نجمتين
في فقارة نجد وندوس الخطر= ماتزعزعنا الأعادي والسنين
لين جا الحكم السعودي وانتشر= وايده بالملك رب العالمين
حاكم البر وحدود البحر= واليوف الي تروع الغافلين
نصرته وابمان حكام المدر = شجرة واثمارها المسلمين
واستوى الأسلام ونزاح الودر= حن عصا له من يساره في اليمين
حن قحاطين يذيع بنا النذر= في العرب ماحن من المتعربين
هم هل التوحيد عدوان الكفر =نسل قحطان وهود الأولين
كم تعادانا عدو وانتحر= فضل ربي نجعل القاسي يلين
نذبح الحراب بالدم الحمر= كم حريب من صلانا له ونين
ذا كلامي يوم قلته واستقر =والسلامه واسمعوا ياسامعين [/poem]


ولكم تحياااااااااااااااااااااااااااااااااااتي


اخوكم محمد الجبعه

__________________

قالوا لي البخلان هون من الطيب = قلت اعقبوا والا فسووا سواتي