[frame="8 80"]ألاجواد واجـد والمراجـل لهـا iiكسـاب
لكن واعد العشـرة ليـا صـرت iiجمالـي


يطير الشـرار وكـل نـارٍ لهـا شبـاب
ومن ولع النيران يصبـر علـى الصالـي


تجارب حياتي معجـزة وادروب iiأصعـاب
ولقيت الرجال انـواع والـوان iiوشكالـي


صديق الشدايد ما خذا منك علـم iiوجـاب
وسيع الصدر يضحـك ولا هـو iiبزعالـي


صديـق الشدايـد لا ينافـق ولا يغتـاب
يدلـه غريـب الـدار ويزيـن الجـالـي


وصديق الرخى عقاب ومصادقـه iiعقـاب
شجاع الحكي والمـدح بالقيـل iiوالقالـي


وصديق الرخى ما غير صورة ولبس ثياب
يا ليتـه يبرقـع مالـه شمـاغ iiوعقالـي


وعنـدي نصيحـه جـد ماقلتهـا لعـاب
أقول الصحيـح ونايـم القلـب iiيصحالـي


ترا خوة أهل الطيـب يالطيبيـن أطبـاب
يطيـب السقيـم وخـوة الاش iiسـلالـي


تغانم شبابك يا بيض الوجه دامـك iiشـاب
ترى البدر لو يطلع قمـر عـود iiأهلالـي


فلا تهجر المسجد وخلك ورى iiالمحـراب
ترى روضة المسجد لهـا منـزلٍ عالـي


ولا تترك اللي يزهمـك خايـفٍ iiمرتـاب
ترى الذل ما نجـى الثعـل بـا iiلتحيالـي


ولا لندى غير الفدى لـو تـروح أرقـاب
ومن ضاع شوره يا خذ الشـور iiويمالـي


ومن با شـرك بالعـذر لاتلحقـه iiبعتـاب
ولا تشوف نفسك شيخ والنـاس iiعمالـي


ولا تهين نفسك لو تجي بين ضرس iiوناب
وهيبتك لا تنقـص ولـو ربـع iiمثقالـي


وبنت الردي لا يعجبـك زينهـا iiالجـذاب
تراهـا كمـا المخيـال خيـل وتخيـالـي


ولو شفت حمر خدودها وثمـان iiأعـذاب
لا بدك تمنـى ليـت مـا جالـك أعيالـي


ولدها لا ياشاف النقـى والملاقـى iiهـاب
ذليـلٍ بخيـلٍ فيـه خفخـاف iiوجفـالـي


أخذ بنت قرمٍ طيـبٍ ساسهـا مـا iiعـاب
تنومسك بنت الشبـل ويجيلـك iiأشبالـي


أعيال الذياب تصير مثل الذيـاب iiأذيـاب
وعيال الثعالـب مثلهـا زهـر iiالاذيالـي


وفرخ الصقر مثله وفرخ الغراب iiغـراب
وبوم الخـراب ايقابـل العـش iiويلالـي


الي صار راسك فوق يا طيب الا iiنسـاب
فـلا ينحنـي لقـدام رجليـن ونعـالـي


لكن الله اللي يكتب الـرزق يـا iiخطـاب
هو اللي يفك البـاب ويقـص الا iiقفالـي


ولا يهمـل الا واحـدٍِ عايـفٍ iiالاشبـاب
ولا ضيع أحقوق البشر غيـر الا iiهمالـي


وترى للقصايد كيف والكيف لـه iiشـراب
وانا ما مشرب الا كيف راسـي iiبفنجالـي


ولا طاوع الجاهـل ولا جامـل iiالنصـاب
أقـدم يميـن الحـق واحــط معـذالـي


ولا ني بو الله طيبن له مـع مـن iiطـاب
ومن طاب لي برخص له الحـال والمالـي


أكذب وانا خابـر واجامـل وانـا كـذاب
سنين مضت هـي صـدق والا iiيورالـي


تلخبط جهاز المخ وانهـارت iiالاعصـاب
وفورت دمـي وارتفـع ضغطـه iiالعالـي


لكن في رجى اللي من رجى رحمته iiماخاب
هـو الواحـد العالـي وهـو iiربناالوالـي


وهو الخالق الرازق وهو المعطي الوهـاب
لـه الملـك كلـه والكمايـل iiوالاكمالـي


رئوفٍ رئيـفٍ رحمتـه تنقـذ iiالمنصـاب
يغيث الديـار الممحلـه عقـب iiالمحالـي


شديد العقاب ويعتق المذنـب اللـي iiتـاب
عسـى مـا يوخذنـا بسيـات iiالاعمالـي


كما قالـه الله فصبـروا يأولـي iiالالبـاب
ترى الصبر زين وكلمـة الحـق iiتنقالـي


واصلي واسلم عد مـا تنبـت iiالاعشـاب
وما لاح بـراقٍ سـرى يشعـل iiأشعالـي


على المصطفى اللي وحد الدين iiوالاحزاب
شفيع أمتـه يـوم الهوايـل iiوالاهوالـي[/frame]