[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يستاهل إبن فطيس كل التباريك = أنا أشهد إنه حقق اللي يريده
بيرق شعر من دون ريبه وتشكيك = قول وفعل وأيضاً خصالٍ حميده
بينه وبين الشعر مثل المشابيك = علاقت محمد بشعره وطيده
قليل في حقّه ملايين في الشيك = مايكفي المليون داخل رصيده
يامحمد بن فطيس هذا محاكيك = جاتك تباريكه ونفسه تشيده
أهديك تبريكي أنا وأيضاً أهديك = تبريك ربعي والرجال الرشيده
قحطان قحطان العريبه تهنيك = في ذمتي يامحمد إنك وليده
بإسم قحطان الله يجيرك ويحميك = شر الحسود اللي يحب المكيده
حقٍ على قحطان تفخر بطاريك = مادام منطوقك هروجٍ سديده
ماهي غريبه ومحلف تنتخي فيك = وافي ومن وافين والدرب سيده
ماخاب ظن اللي مع الوقت يرجيك = مدّيت يدّك تسكب العز بيده
تضمى ولكن عزت النفس ترويك = ومن وقفتك كل محلف مستفيده
سويت شيٍ مايسويه شانيك = وقفت شرف طول السنين المديده
في ذمتي لو كنت عندي لأحييك = وأحب خشمك قبل أقول القصيده[/poem]

وسلامتكم