من روائع سعد الهماش
والله يرحم شاعرنا الهماش سعد بن ناصر الهماش العاصمي القحطاني ويسكنه فسيح جناته
والله تحمل معاني قويه اتركم معهاااااااااااا
أنا نفسي بياض الصبح منهـا ....... على درب الوفا يمشي ضعنها
عليها لو رمى جساس رمحـه ......... يعوّد فيـه رمحـه ماطعنهـا
رقيت بها على راس المعالـي ......... مكـان العـز تفتنـه وفتنهـا
أبيها من كـلام اللـوم تسلـم ........ تعيش بعزهـا باقـي زمنهـا
على الصحبة احاول دوم جاهد ......... أكون بعيـد ماأدنـس بدنهـا
رفيقي كل مـادس الخطايـا ....... على دربي ولا جود رسنهـا
اغض الطرف عنها وآتغاضى ...... تموت وكف نسيانـي دفنهـا
ألا وين الرفيق اللـي يقـدّر ........ يخلي الميته بأوسـط كفنهـا
رفيقٍ رفقتـه ماهـي تغيـر ....... كما الدانه ربح منهو خزنهـا
هذاك بعيـد وديـاره بعيـده ...... ياسعد اللي دياره قـد سكنهـا
أنا لـو بالتمنـي كـان ودي ....... أروح لبرها وأتـرك وطنهـا
لحالي في خلاي وراس مالي ....... فريدة نوقهـا غالـيٍ ثمنهـا
أدوّج بالفياض اللـي هواهـا ...... يفك النفس مـن هـمٍ زبنهـا
وأصيد الصيد لامنـه بدالـيو ..... أعطّف ناقتي وأشرب لبنهـا
لحم صيد الخلا مع در ناقـه ...... بعيدٍ عن حسين وعن حسنهـا
وأعبدك في خلايـه يارقيبـي....... رقيبٍ راقب الشـام ويمنهـا
ألذ من البلـد لـو إن ذهبهـا ....... على جدرانها سـر وعلنهـا
والله يرحمه آمين
__________________
[frame="7 80"]شف قصور بشرقي الهياثم ..... عقب مسكانها صارت خرايب
وجدي وين راح وين جدك ....... عقب ما كانو بهالدنيـــاصحايب
الشاعر /سعد الهماش العاصمي
رحمه الله[/frame]
التعديل الأخير تم بواسطة محمد آل عاصم ; 18-03-2007 الساعة 03:34 PM