قصيده وعظيه للشاعر سعد الهماش رحمه



من اروع ما قرأت لهذا الشاعر وترى قد تداولة بالجوالات بكثره



الموت هيّن والبلـى وش ورى المـوت "" عنـد الحسـاب يهـون سهـم المنايـا

باكر نموت وتصبـح قبورنـا بيـوت "" وعقـب القصـور لضيقـات الزوايـا

في جوف الأرض وكل من حولنا سكوت "" وتعاقبـن بالقبـر عــوج الحنـايـا

يـارب يامنجـي نبيـك مـن الحـوت "" سترك وعفـوك يـوم كشـف الغطايـا

باكر ليا جينـا علـى داعـي الصـوت "" شيبـان واطفـال وشبـاب وصبـايـا

ندعـى وحنـا بيـن باكـي ومبهـوت "" رحنـا لهـا ننقـاد مـثـل السبـايـا

يـارب تهدينـي قبـل لحظـة المـوت "" وتغفـر ذنوبـي ياكـريـم العطـايـا

أشكيك هـمٍ داخـل الصـدر مكبـوت "" وايامـي الـلـي بالخطـايـا مـلايـا

ان لاذ بك من كـان ضايـع ومبهـوت "" فـي مـن يلـوذ المرتكـب للخطـايـا

يـارب ياقـادر علـى كـل طاغـوت "" لاياقـف اللـي وحـدوبـك خـزايـا

رحماك لامنـا صحينـا مـن المـوت "" واليـا وقفنـا عنـد بـابـك عـرايـا




نسال الله ان يرحمنا جميعا برحمته

ونسأله أن يوسع قبورنا وأن يثبتنا على السراط المستقيم

آمين آمين

__________________
[frame="7 80"]شف قصور بشرقي الهياثم ..... عقب مسكانها صارت خرايب

وجدي وين راح وين جدك ....... عقب ما كانو بهالدنيـــاصحايب


الشاعر /سعد الهماش العاصمي
رحمه الله[/frame]