رد : فرسان وعقداء بني هاجر
بيض الله وجهك يا فالح
ولكنك نسيت فرسان طحاطيح والكل يشهد لهم ومنهم الفارس والعقيد عبدالعزيز بن دشن الي ذبح حماده بن عريعر ،، وراح يبي يذبح حزام بن حثلين [ عم راكان بن حثلين ] وحزام كان أمير العجمان في ذاك الوقت وجاء عبدالعزيز وسدح حزام من فرسه صديا وبغا يذبحه لكن حزام زبن عند آل فهيد من بني هاجر وتركه ابن دشن لانه زبن عند عيال عمه
__________________
حنا هواجـر والمراجـل سبتنا :: سبي الغنايم للرجال الكرمين
من ساس سلطان العرب انسبتنا :: حنا عيال العود حنا قحاطيـن
حنـا الشكالـه والشكالـه لفتنا :: لفو القريب اللي لفاله قريبين
كل القبايل بالنعـم عارفتنا :: ماينكر المدات كود الحسودين
----
ويقول فلاح عايد الشمري :
لابة فرسان يوم الطرادي :: هواجر بالكون تكره ضديده
هذا ذكر يا بن مذكر لاصول الجدادي :: حنا وياكم بنسب من عبيده
حنا بني ضيغم كلام وكادي :: وعبده بني ضيغم وهاجر حفيده
وحنا وياكم من سنين بعادي :: أصحاب واحباب ونصح وعقيده