[poem=font="Simplified Arabic,5,coral,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
لا طلع عبدالله غريب طلوعه=طلعة الحر النداوي فالطليعه
والله انها طلعة بالفعل روعه=بين شعار مذاهبهم وسيعه
متّر خضيرا السما واعلن وقوعه=وانصفق ليهو على راس الرفيعه
يلحس لسان الخليجي راس كوعه=ما نزل منزاله ولا ذب ريعه
يحتمي الميدان ويفرق جموعه=لا حصل حرب مثل حرب الوديعه
الزوايع والزوابع ماتزوعه=معترض من دونه حصون منيعه
واللوايع والروايع ماتروعه=شارب فنجال مصفاة الفجيعه
يوم بعض الناس ماكمل سبوعه=مسكوه خطوط ابوضبي السريعه
حولت بندق عدوه في ضلوعه=وانجرح جرح عجز فيه الربيعه
لو على الدنيا مثل شكله ونوعه=كان ما شفت العرب فيهم هزيعه
ولو هي بضرب المحاديب اللموعه=فاز بالمليون بالحدب الوريعه
ربعه حباب خناجرهم بتوعه=لا احتمى الميقاف حطوا فيه ضيعه
ان تقدم ماتندم في رجوعه=وان تكلم سد بلعوم الذريعه
هل قاف وافي توضي شموعه=هلهله هل المهلل بن ربيعه
تمشي ابيات القصيده حسب طوعه=واكثر الشعار عيت لا تطيعه
عان ابن غسان مصغي له سموعه=قلبه لقافه وعينه للمذيعه
كيلو الخولان من سوق الربوعه=ما يكيف خرمة الروس الصديعه
والسبب في طلعته طيبة طبوعه=طيب راس معدنه روس شجيعه
قدّر ضيوفه وذي عادة ربوعه=عادة في سلم قحطان وطبيعه
اقحطان اصل العرب ماهي فروعه=هم خوال المصطفى واهل الشريعه
دايم انفسنا عن الدنيا جزوعه=ونتحدى المستحيل ونستطيعه
من شربنا دلته ناكل قدوعه=ومن طمع في ذودنا ناخذ قطيعه
ماحسدنا المسلم الا في خشوعه=والمذاهب تختلف سنه وشيعه
والمراجل بالمتر ولا قطوعه=فطرة فالورع والبنت الرضيعه
من ترجع مدته بقعا تصوعه=مايدخل مجلس ضوه وليعه
القناعه كنز للنفس القنوعه =والوضاعه ميزة النفس الوضيعه
والبرامج من سحا الوجه مخلوعه=والفضى يزخر بالافلام الخليعه
بذوا الجمهور شعار الميوعه=في شتا العام الجديد وفي ربيعه
سبت الاسبوع وثلاثاه وربوعه=تشهد احداث حوادثها شنيعه
والعوض في مشهد دلّو سنوعه =والمثل قال العوض ولا القطيعه
مهرجان للشعر بانت ووقوعه=كادره فنان وافكاره فضيعه
شيكه ورنجاته وكامل دروعه=واسم ابن زايد على المنتج جميعه
فرج كروب الضعيف وسد جوعه=وبالتواضع عامل الناس اللكيعه
كم يتيم غرقّت ثوبه دموعه=مشها بعمامة بيضاً لميعه
بيض الله وجهه وحقق طموعه=وافي المدات حفاظ الوديعه
قالها اللي جعل بقعا ماتصوعه=ساكن بين العريجا والبديعه[/poem]

__________________