المشاركة الأصلية كتبت بواسطة القويفل

[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,medium,gray" type=4 line=0 align=center use=ex num="0,black"]
سعـد بـن مناحـي بـن شفلـوت
سلام رده وانا شاعر وراعي محـل = تسليمـة تلـزم الرجـال يبدابـهـا


اما نطحنا الهوى والاّ نزلنا السهـل = والاّ نصينا الجبال الشهـب وذيابهـا
حسيـن بـن شـتـوي الحبـابـي
يامرحبا رده تشبـه لـذوق العسـل = ولنا سلوم وعوائـد والتزمنـا بهـا

احسب حسابك يابن شفلوت توك جبل = وماكل طرقي جبال طويق يرقى بهـا


سعد بن مناحي بن شفلوت

ماحدٍ يغر الاصيل حصان والاّ جمـل =واللي يعرف المهمه يحسب حسابهـا

الى متى والحباب تعيش عصر الجهل =بالله ياحسين قلي وشهـي اسبابهـا

حسين بن شتوي
ياطير شلوي تري الجمهور دوبه وصل = وكل الجماهير ودي نكسـب اعجابهـا

نجهل لماحان موقفنـا وقـول وفعـل = وتبين فينا الشجاعه واشتهـر نابهـا

سعد بن مناحي بن شفلوت

من قدّم الوافيه ياخذ عليهـا وصـل =لاتبتلش في علـوم ٍ ماابتلشنابهـا

على المهل ياعميل الخير على المهل =وشلون ترضونها والله مايرضابهـا

حسين بن شتوي
ان كان ودك نسري الليل نقـض وفتـل =فاحرص على الحضرميه وامسك نصابها

يابومناحي حصل حاجه وايش اللي حصل =عنـدك علـوم جـديـده مادرينابـهـا


[/poem]