[poem=font="Simplified Arabic,5,firebrick,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اه من قلب تخالف طوارية = وان عذلتة لستمع لي ولا طاعي
انصحة ويقول لي يا فتى نية = عادني في وصل الاحباب طماعي
كل ماهبت هبوب الجنوبية = مخطرن يفر من بين الاضلا عي
قلت يا مغرور ذا الدار محمية = والتعب والبهذلة مالها داعي
لا تذكرني عصورا مضت لية = ثم تجي يا قلب خاين وخداعي
قال لو دونة حراسة ودورية = ما اقدر اصبر عن هوى زين الاطباعي
في الضمير اجروح واكوان مخفية = كيف تقوى الصبر والقلب ملا عي
قلت انا مرضى عليك الشماتية = غير اخاف ان كرتنا عندهم ضاعي
اكشف الدعوى بخطة سياسية = يمكن ان غض النهد منك قناعي
قال لي راعي العيون السحاوية = مخلص لي والله ماهوب قطاعي
ليذكرتة جاني امراض نفسية = واختلفت وفز قلبي لة وزاعي
لينظرتة في حلوم خيالية = فز قلبي له وضجيت مر تاعي
الله يسقي كل ماجاك صيفية = لجل نقضي مع هوى البال مرباعي
نوصل المجمول بالديرة الحية = وان دعيته يسمع الصوت و الداعي [/poem]

__________________
ربعي مخلصة الخصيم من الخصيم
كم خلصوا دعوى خصيم وخصماه
بخبرك يااللي في بني عمي غشيم
ربعي ال حازب مطوعة العصاه
عاداتنا كسب الجمايل من قديم
ناطى الخطر والخصم ماندرى خطاه
ربعي الى هبت ذعاذيع النسيم
ضلع يذري من تذرا في حجاه