[frame="9 80"][poem=font="Simplified Arabic,5,darkred,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
حـــــــبـــــــيـــــــب العازمي=
على راس الرياحي واحدة تمشي من الثنتيـن =علاه ايسـرّح اللـي تاصلـه والا يضويهـا
وانا يوم اني آقوله بعد ماشفت شـوف العيـن =حصـاةً فـي طريقـه كلمـا روّح يدربيهـا

فـــــــيـــــــصـــــــل الرياحي =
اعرف الاوله والثانيه وأعرف شروط الديـن =وأميّز في عقـول النـاس وميزهـا بساميهـا
حصاة ابليس ما نبلى بها الا فالزمـان الشيـن =أبدفعها علـى غبـة بحـر فالبحـر ابرميهـا

حـــــــبـــــــيـــــــب العازمي =
يـدورنّ الليالـي يالرياحـي والمتيـن ايليـن =وعيناً ما تحـب الكحـل ابكحلهـا وابعميهـا
حصاة ابليس والا حبحبة حمرا على السكيـن =بـدون امجاملـة مـن جابهـا لازم يوديهـا

فـــــــيـــــــصـــــــل الرياحي =
لقينا بنتكـم ياربعنـا تلعـب علـى الحبليـن =تعاندنـي وتبلشنـي وتفـرح يـوم اناديـهـا
بدون امجاملة ما عندنـا الا صفقـة الخديـن =تربـي بنـت عمـك بالعصـا والا نربيـهـا

حـــــــبـــــــيـــــــب العازمي =

ولا يا مفتري لا تفتري وتجيب زيـن وشيـن =وبنتك لو تجي منشان خاطـرك التفـت فيهـا
بغيت الثانية ما عندنـا الا الرمـح والسيفيـن =وبعض الناس تبكي لوّ نقرص روس أذانيهـا
فـــــــيـــــــصـــــــل الرياحي =

دفعنا مهرها غالي وهي تسوى لهـا قرشيـن =سترناهـا بستـر الله عسـى الله مـا يحييهـا
حبيب يا حبيب ليت ربـي حـط لـك قلبيـن =تساعدك القلـوب وتفهـم الهرجـة وتوحيهـا

حـــــــبـــــــيـــــــب العازمي =
تخطْبون العجوز اللي بقي في لحيهـا سنيـن =لكنّ المشكلـة وشلـون نرضيكـم ونرضيهـا
أنا كاتب وأنا قاري وأنا صاحي مع الصاحيـن =وأنا مجنون لن شفت العـرب تنفـخ علابيهـا

فـــــــيـــــــصـــــــل الرياحي=
عسى الله ما يبارك فالعجوز اللي لهاوجهيـن =تمدّ ايدينها صـوب العـرب والفقـر حاديهـا
قبل صوم ارمضان اصمل وعلمها الكلام الزين =ولا صمت الشهر بـاروح ازكيكـم وزكيهـا[/poem] [/frame]

__________________