السلام عليكم ورحمة الله وبركاته
ليلة فوز المنتخب بكاس الخليج
طلعنا في مسيره وفيما نحن في زحمة الاحتفال
قام احد المتهورين بدعم جيب لكزس وهرب
طبعا حركه بايخه والى حد الان ماتدخلت فالموضوع
والجيب مضلل ولما نزلت الجامه وشفت اللي فالجيب
بنت ما اقول الا الله لايضرها طالعت فيني بنظره وحن يالبدو عندنا سرعة بديهه
كنها تقول تكفا لاتخليني قربت منها وعطيتها رقم التلفون عشان نتابع الموضوع
فزيت وراه
دزيت الموتر امشي 1000شوي واسفط به
اذا بها تتصل بي خبرتها اني القيت القبض عليه وطبعا لابد من الدبلجه
جت بسيارتها واتصلنا بالشرطه لاتخاذ الاجرا اللازم شوي وتنزل من السياره تشوف الدعمه
وهنا ضاعت علومي
فقلت الابيات التاليه:


لوتسمحي لي يالغلا في خاطري لك كلمتين
&&&&&&&&&&&&&&& وادري بان ذوقك رفيع وتسمحين اقولها
الله يجمل منتخبنا يوم فاز ورد ديـــــــــــن
&&&&&&&&&&&&&&& ويبارك بساعت لقانا ومحتوا مجمولـــــها
واقول يالي لك جذبني بعينك السر الدفين
&&&&&&&&&&&&&&& وعذوبة اسلوب التغلي والملا من حولـــها
وعذاب قلبي طرفك الناعس تحت شمس الجبين
&&&&&&&&&&&&&&& مثل المهاة اللي من القناص زاد اجفولهــا
فيما انا في حيرة الامرين شوقي لك خزين
&&&&&&&&&&&&& الموقف اللي صار دندن في حشاي اطبولها
فزعت حتى لايضيع الحق ثمن تزعلــــــــين
&&&&&&&&&&&&&& والمعضلات الكايده بتهون عند افحولــــها
ومن شفت زولك وانتي من الجيب ودك تنزلين
&&&&&&&&&&&&&& اقول بسم الله عليها وياسلامة زولــــــــها
ومع كل خطوه صرت البي بس ليتك تسمعين
&&&&&&&&&&&&&& اقول يالبيه ياردفن يضيم ارجولــــــــــــها
ولبيه ياصدر يشق الثوب كالرمح السنــــين
&&&&&&&&&&&&&& ولبيه ماقد قلتها لغيرك ولك باقولهــــــــا
واليوم قدامك جريح في غرامك يالضنـــين
&&&&&&&&&&&&& يسهر معا سود الليال اليا رمن اسدولـــــها

__________________
[size=5]الا ياعــــــــــيوني كلمـــــــا قلــــــت لــــك ســـــــــجي $ رجعــــــــــــتي تهلــــــــــين العبــــــــاير على الماضي
وانا ماسهـــــــــــــــرت الليــــــــــــل ياكــون مترجـــي $ رجــــــــــــاوي البـــــدو في بارق تو ماناضــــــــــــي[/size]